استفساااااااااااااااااااااااااااااار ...يسعدكم ربي ...

[T@RIQ]

المشاركة الأصلية كتبت بواسطة @@@sarooona@@@ والله أعجز عن الشكر اخوي... هههههههههه ادري والله كلامي مقربع فوق بعضه... بس كان قصدي ان المواد المشتركه بين الكليتين فقط هي {انجليزي...ومواد السنه التحضيريه...والحاسب ...والعربي ...والدين} يعني يمدي احول عالترم الثاني باذن الله؟؟؟... ولا احاول فيهم الحين...؟؟؟... وتقريبا عالساعه كم خروجكم؟؟؟...يعني دوامكم طويل؟؟؟

اهلين ،،، ههههههه لا عادي متعودين على القربعه ،،، ايوا كذا انتي فهمتيني وعرفتي المواد المشتركه ،،، طيب ناخذها وحده وحده الانجليزي والحاسب من مواد السنة التحضيريه ،،، والسنة التحضيريه انتي خلصتيها ،،، يعني ماعاد فيه لاحاسب ولاانجليزي ولابقية مواد السنة التحضيريه ،،، لانك خلصتيها ،،، ومابقي عندك غير العربي والدين ماكملتي مستوياتهم ،،، لان الدين له اربعه مستويات والعربي له مستويين ومااعتقد انك اخذتيهم كاملين ،،، اعتقد عرفتي ذحين ليه قلتلك تاخذيهم

وبخصوص التحويل على الترم الثاني ،،، زي ماقلتلك انتي نزلي الدين والعربي
،،، واذا كان عدد الساعات قليل ،،، تقدري تضيفي من المواد اللي نصحتك فيها بردي السابق ،،، المهم تركزي على حاجتين في الترم هذا ،،، نزلي مواد قليله وسهله عشان ترفعي المعدل ،،، وتقدري تدخلي التخصص الي تبغيه ان شاء الله

وبخصوص التحويل الان ،،، والله مااقدر افيدك ،،، لكن نصيحه لاتستسلمي وحاولي قد ماتقدري وان شاء الله تقدري تحولي من ذحين .

واخيرا بخصوص الدوام ،،، خلاص مبروووك انتي من الان طالبه جامعيه ،،، خلاص خلصتي الثانوي والسنة التحضيريه ،،، يعني ماعاد فيه دوام طويل وقصير ،،، خلاص من الان الدوام على كيفك ،،، وتنزلي جدولكي على مزاجك ،،، وتقريبا عدد ساعات الدوام حيكون 4 ساعات باليوم ،،، لكن زي ماقلتلك انتي بكيفك من الان ،،، تخلينها 4 او 5 او 2 على حسب ماترتبي جدولك

بالتوفيق اختي ،،، وايه سؤال ثاني انا حاضر ،،، تحياتي