بحث وتدريب / حسين برعي

[فهد العنزان]

المشاركة الأصلية كتبت بواسطة ابو ريان 82 السلام عليكم يااخوان واسف جداً على تأخري عليكم وانا ابسرد لكم مشواري مع الدكتور حسين برعي وكل واحد يحكم بنفسه اولا بعد التسديد ونزول الشعب ارسلتله الايميل التالي: (سعادة الدكتور الفاضل/ حسين محمد عبدالله برعي ,,, السلام عليكم ورحمة الله .... افيدكم بأني احد الطلاب المسجلين لديكم في مادة بحث وتدريب لهذا الترم وارغب في معرفة خطة البحث ولك جزيل الشكر والامتنان .) وكانت بتاريخ 26/4/1431 ورد علي بنفس اليوم بما نصه: (خطة البحث هي الجزء الاول من متطلبات المادة وبعد الموافقة عليها تكتب البحث حسب الخطة وتتضمن خطة البث مجموعة من العناصر يمكن الاطلاع عليها في اي مرجع من مراجع البحث العلمي ومن اهمها موضوع وعنوان البخث (او المشكلة مقدمة عن المشكلة المشكلة الاهمية الاهداف متغيرات الدراسة الفرضيات ادبيات الدراسة منهج البحث(المجتمع واعينة ونوع البيانات وطريقة جمعها وتحليلها حدود الدراسة ............................. ..................... .................... الخ) وبعدها ارسلتله الموضوع الي اخترته وكان بتاريخ 29/4 ولا رد علي وارسلتله على الجوال ولا رد ورجعت ارسلت الموضوع مرة ثانية بالايميل بتاريخ 3/5 ولا رد وارسلت مرة ثالثة بتاريخ 7/5 وبرضه مارد مع العلم اني كنت ارسله على الجوال كمان واتصل عليه وبرضه مافي فايده ورجعت ارسلت الايميل بتاريخ 16/5 واخير رد في اليوم الثاني وكان رده : (الموضوع مقبول بشرط ان تحضر اولا مجموعة من الدراسات السابقة المنشورة في دوريات علمية عن موضوع واهداف دراستك) وفي اليوم الثاني ارسلي رسالة ثانية وكانت (الطالب .................................................. .............الموقر موضوع تطبيق الجودة في المستشفيات السعودية مهم لكن الاهم ان تبحث اولا عن مجموعة كافية من الدراسات السابقة عن هذا الموضوع وتراجعها وتلخصها تم تحضرها لمناقشة الموضوع بالتفصيل المشكلة و =الاهداف الادبيات منهج البحث ........ ......... ............. الخ) طبعا انا يوم قال دراسات رحت ادور عالنت عن موضوعي ولخصتها وسيويتله خطة بحث وارسلتها بتاريخ 5/6/1431هـ طبعا مارد علي ورجعت ارسلتله بعد عشرة ايام ورد علي رد كالصاعقة نزل علي (كلامك كانه منسوخ؟؟؟؟؟؟؟؟؟؟؟؟؟؟؟؟ من بحث سابق وين المراجغ التي اعتمدت عليها اولا مطلوب منك اعداد قائمة كاملة بالمراجع مع نسخة لمستخلص كل مقالة وبعد ذلك نتكلم في الباقي) طبعا انا انصدمت ورديت عليه اني جبت الدراسات من النت ولخصتها زي ماطلبت . المهم اني شاورت ناس اصحاب خبرة وقالولي لازم تروح المكتبة وتجيب كتب ودراسات عن موضوعك وتلخصها وتسوي خطة بحث وتروحله في المكتب افضل قلت تم وسويت الي قالوه ورحتله المكتب ولا حصلته وادق عليه جوال ومايرد وكل يومين اروحله المكتب ومااحصله وخلاص الاختبارات قربت والاخ مايرد علي .... وبعد جهد رد على الجوال وقال انا في مؤتمر في الرياض وراح اداوم السبت اول يوم في الاختبارات تعال الساعة 2 الظهر اشوف مراجعك قلنا طيب اوكي وجاء يوم السبت ورحتله من الفرحة مواصل واخيرا بعد شهرين ابشوف الدكتور المهم قابلته وللأمانة كان قمة قمة في الاخلاق المهم قابلته انا وزنابيلي المليئة بالمراجع وشافها ومدح بعضها وجنب بعضها المهم قالي شوف ياولدي انا ماابغى بحث وتجليد فاخر والكلام هذه انا ابغاك تكمل على هذه الدراسات عشان يصيرون عشرة وتلخصها وتسوي استبيان على عشرين شخص وتطبعها من دون تجليد وتسوي ملف ثاني تحط فيه المراجع ومعاك فرصة الى اخر يوم في الاختبارات قلت يادكتور مايكفي قال اذا ماقدرت اعطيك dn الين تسلم البحث قلنا اوكي المهم انا طبعا لخصت موضوعين كنموذج وارسلتها على ايميله وسالته ان كانت الطريقة صحيحة وطبعا مارد علي قلت خلاص ابتوكل على الله وبكتب المهم عدى الخميس وان ماسلمت البحث وكلمته اني ماخلصت وابغى كمان اسبوع قالي انا حسافر الثلاثاء خلاص ارسل البحث عالايميل واعطي نسخة للسكرتارية قلنا طيب وجائت المفاجئة صباح الثلاثاء وانا لسة ماسلمت البحث وحصلته رصدلي الدرجة 70 بصراحة فرحت وقلت نعمة وسلااااااااااااااااااااااااااااااامتكم اسف على الاطالة بس قلت ابكتب كل شي وكل واحد يحكم وراح اسرد نقاط عن خلاصة التجربة مع الدكتور 1- الدكتور خلوق جداً جداً ومتساهل 2- قالي بلسانه انا يهمني ادبيات البحث اكثر من البحث يعني مايبغى بحث جاهز يشوف المراجع اول شي 3- مايعيب الدكتور مشاغله الكثيرة ومؤتمراته وممكن تكون ميزة يعني لا مناقشة ولا يحزنون 4- الي ينجح ويقابل الدكتور بدريويفهم بالظبط وش يبي راح يمشي معاه تمام 5_ في جميع المواد الي يدرسها الدكتور (مسار ادارة المستشفيات) ماسمعت احد رسب او اشتكى من الدكتور ارجو ان اكون قد افدتكم ولو بالقليل اخوكم / ابو ريان

مشاء الله عليك أخوي أبو ريان

قصة جميلة حصلت معك والدكتور نستفيد منها بخصوص مادة البحث والتدريب

موفق