&& شريط ذكريات السنة التحضيرية &&

[المحزوون]

مااقول الا الله يوفق هالوجه ويعصمه من النااااار ويرزقك ال 60 مليون وتتهنى فيها

[Suzi]

وعليكم السلآم ورحمة الله
وقول للعالم قول وسمع .. دي أحلى فرصه عشان نتقمع
وقوتنا في لمتنا بنحب بعض أوي ونتعلم
فكر بعلمك خطط لحلمك وادرس بكتبك ادرس بكتبك دي بكتبك دي
Looooooooooooooooooooool
^^ I like it too much
my best memories is concentrated in this forum & campuse although there were a little bit of issue

it lift a great trace in my mind

& your translation of NorthStar Book I won't ever think of omit it from my PC
indeed it was my favorit memory
finally I can't find in formal word in my mind to thank you in a such way


يجعلها ربي في ميزان حسناتكـ ولا يردلكـ دعوى ويجعلك ذخر وسند
Accept my passing

[عطورة]

اهلييييييييييين ابي ستين مليون ويالله انك رهيب مشروع كاتب مبدع

بشر عسى لقيت من يسلفك ملايين الاحلام ؟؟

عسى رضيت عن تجار الحديد والله رحمناهم من دعاك عليهم خخخخخ

الف مبرووووووووك النجاح يابطل وعقبال مانشوفك بطربوش التخرج

[مباركـ حمدانـ]

مبروك النجاح يابطل وانشاءالله كل نهاية سنة تجي تقولنا قصتك فيها ..

انت من الناس اللي انا استفدت منهم بجد .. الله يوفقك ويرزقك على قد نيتك

[sharshabelo]

والله يابو الشباب انا داخله ابي اقولك شكرا الف الف شكر ترجمتك ساعدتني كثير مره جزاك الله الف خير
ثاني شي بغيت اسئلك عن تجار الحديد وش سويت معاهم ؟؟؟ هههه
بالنسبه للذكريا اليمه الصراحه
انت ضيعت على نفسك سنه وانا ضيعت 7 سنين الله المستعان
فيه يومين بالجامعه انا ما انساها
اول يوم من المحاضرات التاهليه وبعد غياب طويل عن الدراسه حسيت مخي مصدي والمعلومات عندي زي الحلم واقول في نفسي سقى الله ايام الدراسه
يوم ثاني العماده اخذوا بطاقتي الجامعيه لان جوالي كميرا ورحت اخذه بعد المحاضرات وضعت بالجامعه هههههههه تخيلوا
السياره وصلت عند الباب وانا موعارفه اوصل للبوابه اللي اطلع منها ههههههههههههه
لاكن الله يسر ولقيت طريقي
الف شكر على الموضوع الاكثر من رائع

[أبي سلف60مليون]

المشاركة الأصلية كتبت بواسطة girl crazy ماكان بعاليه مجرد مقتطفات من شريط ذكريات السنة التحضيرية فإن طاب لك المقام فشاركنا بذكرياتك ^^<< من منطلق هذه لعباره اكمل مابدأه اخي ابي سلف <<غير النك اذيتنا دعينا لك من اول وقصتي قصيره ليست مثل الاخ الفاضل <<مابتقول النك طبعا بما اننا كنا<<ركزوا على كنا طالبات جدد<<ومفهيات ع الاخر فكان الخوف كل الخوف من الاسئله وطريقه الاجابه <<وفكره تاتي وفكره تروح <<يعني تذهب ولكن قدر الله وجاء اليوم المنشود <<اول اختبار لها بالجامعه ومان دخلت طالبتنا العزيزه<<اللي هي انا حتى بدأت بالبحث عن مكان يمخمخها <<المخمخه هنا بمعنى يعجبها من حيث الاضاءه والتكيف والخ.. ووجدت ذلك المكان وجلست وكان الوضع خمسه على خمسه <<من منطلق معدل الجامعه ^_^ ومان بدا التوزيع حتى نسيت صديقتنا الصدووقه كل شي بما في ذلك الاسم <<وجلست مايقارب ربع ساعه وهي تتذكر في الاسم فقط فماكان منها الا ان نقلت الاسم من البطاقه<< هذا وصلى الله وسلم وعلى اشرف الانبياء والمرسلين <<الى هنا تنتهي حلقتنا لهذا اليوم كان معكم من القاره الافريقيه girl crazy ^_^

ههههههههههههه مابي اغير هههههههههه
قصتي مو طويله مره .. يعني شوي طويله مره خخخخ .. بس كتبت بالبدايه خفف السرعه هـع
بس صح عليك ههههههههه ما شاء الله عندك وقت تختاري المكان اللي يمخمخ ههههههه >> فهمتها من التعريف خخخ
يا حسره علينا تدخل المبنى يا تحصل محل يا ما تحصل .. هذا إذا ما انكسر فيك ضلع عند البوابه خخخخخ
الا تعالي اش وداك القاره الافريقيه مو بيقولو اليوم اجازه بكاس العالم ^^ .. صح جيبيلي معاك فوفوزيلا زرقا هـع
اريغاتووووو .. ع الاستوري النايس .. مرورك اسعدني ^^

[أبي سلف60مليون]

المشاركة الأصلية كتبت بواسطة alone.76 نفس الي سويته المنتدى تركته بعد ماخلصت الاختبارات ودخلت لما قالو النتايج كلها نزلت لوول ويمدحون السنوكر للطفش او للانتظآر القصه روووووعه وواضح جنبك كاسه شاهي وتكتب

كويس في مؤيدين ^^
الاروع من القصه انك تشاركينا بما في جعبتك
دقيقه ابي اتأكد من الكام انها مسكره خخخخ ... اووووووبس كنت حكب الشاهي هههههههههههه
آريغاتوووو لسمو ذائقتك

المشاركة الأصلية كتبت بواسطة هنووووو ماشاء الله على الروقان من متى وأنت تكتب بس بجد موتني ضحك .. الله يوفقك على الذكريات الحلوة وعقبال سرد ذكريات السنوات القادمة ..

^^ آريغاتوووو يووه .. أجل حذفت فصل السياره وما ادراك مالسياره خخخخ
وان شاء الله تدوووم ضحكاتك .. بس لا تضحكي علي بهالسطرين وتتهربي من قصتك
بالانتظار

[أبي سلف60مليون]

المشاركة الأصلية كتبت بواسطة *زهرة السوسن* ماشاء الله تبارك الله ......بجد القصة مررررررررة حلوة

انتي اللي ما شاء الله وتبارك الله ولا قوت الا بالله اترقيتي؟؟
ألف مبروووك
لا لا انا فرحان بنفسي اكثر شي ^^ .. من يووم كنت بالابتدائي وانا اقول عندي فراسه وبعد نظر خخخخ
ولا تنسي ان الاحلى تواجدك طال عمرك .. استريحي استريحي >> رسميات خخخخ

[أبي سلف60مليون]

المشاركة الأصلية كتبت بواسطة abdallah قصة حياة دراسية روعة واللي اروع منها اللي يجلسوا بجوارك الله يعينك عليهم لن نفترق ابدا تقبل تحياتي اخوك ابو اسيل

الاورع منهم كلهم حضورك يابو اسيل ..
وتحياتك استقبلها على صدري وانزلها على ركبتي لعيونك افا عليك >> حما كاس العالم خخخخ
يخليلك امروتك اسيل يارب
آريغاتوووو يووه

المشاركة الأصلية كتبت بواسطة المحزوون مااقول الا الله يوفق هالوجه ويعصمه من النااااار ويرزقك ال 60 مليون وتتهنى فيها

(لعمرك إن المال غادٍ ورائحُ * ويبقى من المرء الأحاديث والذكرُ)

الاحساس الصادق البازغ سنا نوره من بين احرف كلماتك يرضي غروري
اثابك الله على دعواتك لاخيك ولا حرمك الله امثالها

[حضرة جنابي]

ذكريات لا تنسى

هادي بادي ,,, من ينااادي>>>من مسلسل كرتون القرده الثلاثه( الاصدقاء الثلاثه)
ايام ماكان عند كل الناس (ركزو على كل الناس) لا دش ولا فضائيات
كنا ننتظر كل اسبوع خميس وجمعه الساعه 10 بعد السلام الملكي والقران افلام الكرتون

الحين يابختهم بنكلودين و ام بي سي ثري>>>عجزانه اكتبها انجلش

اختصري يابت >>>> فيس حده معصب يالبيه بس

السمستر الاول كان صعب علي نفسيا وبدنيا وذهنيا وكل شي

كنت خايفه ارسب واتفشل من اهلي>> يذلونهاا بــ 3000 >> فيس مليان اسى وحزن
وكنت من مدينه غير جده وجيت مكه وصرت اداوم يوميا من مكه لجده>>> مجاهده هالبنت
بس الحمد لله اثبت للجميع اني" بنت بنوت">>> (خير مكانها غلط هالكلمه)

وجبت معدل يرفع الر آآآاس>>> يالبيه ياكايدتهم ياقاهرتهم ياهووووووووووه

افتكر اول يوم بالجامعه جيتكم بها اللبس الكشخه وهالكعب والاكسسوارات تقل رايحه بآآرتي
وهلكت مشي وتعب وانصدمت بأسئلة تنمية مهارات التفكير

وتبت وجيتكم اليوم الثاني طالبه مجتهده بجووتي(ببوت) وجينز وقميص ابيض

وبطلت حركات بنات ودلع
المووهم عداا السمستر الاول بعد تعب نفسي وبدني
السمستر الثاني لا يتختلف عن اخيه الاول
وكانت الرياضيات والعربي والانجلش يبيلها تركيز واجتهاااد
وجبت درجاتها بالـــ90 والحمد لله
اما الحاسب والثقافه الي زي المويه والي مفروض يرفعون معدلي فوق بحكم وضوحها
كانت درجاتهما اقل من المتوقع وصارت بالـــ70
المووهم اني عديت التحضيري صآآآفي >> والا مراعي هع

هههههه افتكر اختبار الرياضيات والحاسب والعربي كان من 8 الى 10 بالليل
واختبار الرياضيات ينقال عني اني بنت موووجتهده واقعد لاخر دقيقه بقاعة الاختبار عشان اراجع
سلمت الورقه وطلعت من المبنى 240>> حلو هالمبني
ورايحه صوووب البوابه الغربيه وفجأأه وانا قريبه من مبني 5
الاحظ عدد البنات قليل وتسرب الخوف لقلبي وربي جتني خرعه مو طبيعيه
قلت لا يحجزني وحده من هالبويات بهاالزوايا ويصير الي مش ممكن يصير
نص البنات بويات يلبسون تي شيرت سوبر مان مدري وش يبون من الحياه هع يمكن يطيرون
ونقزت عند وحده من السيكيورتي قلت لا يكون البوابه الغربيه مقفله وقتها اتوهق لاني مااعرف غيرها
طمنتني بعد مالاحظت عيووني تلمع من الدموع قالت لا مفتوحه وانط والبس عباتي واطلع ادور بآآبتي

اليوم الاخير صرت خبره وبحكم اني ماتعرفت على اي بنت بالجامعه كنت امشي وحدي>> حزنتم علي صح
من جد بنت حدها مجتهده وسيده من البوابه للقاعه ومن القاعه للبوابه
الموهم لمن قربت من البوابه اشوف بنات شلل يآآخذون صور تذكاريه وقلت ليه مااتصور وارسلها لاوومي
بس مين يصورني>>> حزنتم مره ثانيه علي صح هع
شفت بنت قدامي تراجع اجوبتها بالعربي
قلت ياهوووووو يابنت ممكن طلب صغيرون وطلعت عيونها تحسبني ابي سلف 60 مليون
قلت ابيك تصورين خشتي صوره تذكاريه مره فيسي ومره البودي كله هع
قالت شكلك من برا جده قلت اي قالت اي عشان كذا بعدين ابتسمت انا>>>> هذه نبذه من سوالف بنات

تمت العمليه بدون مايصيدنا احد من الملاقيف او السيكيورتي

ونطيت للبوابه ولبست عباتي ودقيت على بآبتي بس ماكان موجود راح يجيب عشاااء>> يمي

الموهم عديت وراح نص الهم وياااااااارب عقبال التخرج لي وللجميع يارب
ويسهلها ويوفقنا ان شاء الله

الف شكر لك اخووي ابي سلف 60 مليون
وربي مانطلع من جزاك انا وجميع اخواني واخواتي دفعه 2010

جزاك الله كل خيرررر

واسفه طولتها وهي قصيره >>> الفضاوه وما تسوي

وش بتتخصص>>> سؤال داخل عرررررررررض بقوه