ادخلووووووووووو بليييييييييييييييييييييز <<مرررا متحطمه بسيب الجامعه

[aBu AzUz]

السلام علكيم ورحمة الله وبركاته ...

معليش ممكن مداخلتي تكون ثقيله عليكم لكن تحملوني شوي ..... انا كنت فاشل دراسياً حتى تخرجت من الثانويه وبعدين توظفت وجلست 14 سنه . خلال تلك الفترة لاحظت بعض الزملاء اللي دخل جامعة الملك عبدالعزيز والاخر جامعة الملك فيصل والجامعة العربية والكل قام يدرس . وانا اقول الله يعينهم لين جاني واحد من الزملاء وهو من اول الناس الذين سجلو التحقو بالجامعات طبعا جاني بعدما تخرج وراح عدل مسماه الوظيفي وطالب بترقية وتحسن وضعه بكثير .... جاني وقالى الى الان وانت على هذه الوظيفة .. تذكر يوم اقولك سجل معي وتقولي روح انت سجل والله يكون في عونك انا ما ني فاضي . الان انا اقولك الله يعينك .

بعدها قعدت افكر كيف مرت السنين بسرعة ليش ما سجلت والتحقت معاهم ... بس جاني شي يدور في راسي يقولي انت الحين يالله يالله تخرجت من الثانويه كيف الجامعة ما راح تعدي ولا ماده ...جلست افكر في الوضع سنتين ... بعدها قعدت احلل ليش انا فاشل .. واستنتجت اني ما كنت اعطي اي اهتمام للمواد واقول ايام الدراسة لحقين لاقربت الاختبارات راح اذاكر .. طلعه من هنا وسفريه من هناك وخميس وجمعة ما افوتهم ... ومع ذلك عديت مع خمس سنوات رسوب متفرقة ... قلت راح اسجل بالجامعة وراح اخصص وقت بشكل يومي لدراسة علما اني داخل الجامعة انتساب وماني مجبور اذاكر بشكل يومي . وراح اجرب .. وطبقتها بعزيمة

والحمد الله عديت كل المواد وهذا اول ترم لي ودرجاتي فوق الثمانين باقي مادة الانجليزي حتى الان ماطلعت ...وللعلم ما عندي وقت موظف في شركة ما اطلع الا الساعة خمس العصر اطلع تعبان وعندي عائله 3 اطفال ومصاريف وود وجب ومع ذلك الحمد لله ..

خلاصة كلامي ... اسئلي نفسك ليش حملت تلك المواد وبسبب ايش .. يعني ركزي على نقاط الضعف عندك وعدليها
هل انتِ موظفه ولا فيه وقت ............ يوجد الكثير ومع ذلك حققو اهدافهم
هل انتِ من البنات التي تسكن مع اسره كبيره وكل اعمال البيت فوق راسك .... ايضا يوجد مع ذلك لم يتهاونو عند اوقات الدراسة .
هل هنالك امور قد اشغلتك عند الداسة . .... كلنا عندنا ومع ذلك لازم ان لا ندع امامنا حواجز .
هل استسهلتي المواد واجلتي الدراسه الى ما قبل الاختبار باسبوع او اسبوعين ..... هنا المشكلة ولازم نعدلها .

اذا وجدتي نقطة الضعف عندك .. وقمتي بكسرها ثقي بانكي سوف تتقدمين بشكل افضل .

كان اعتقادي خلال 30 سنه من عمري انه لا يوجد بنت ترسب . لكن عندما دخلت منتدى الجامعة وجدت الكثير لكن لديهم العزيمة على تحقيق النجاح ولا يمنعهم ذلك من تعديل النتيجه .

وارجو من الله ان يوفقك ويسعدك ... وان لا تري في درجاتك حرف f مستقبلا

اسف عن الاطاله وخروجي عن الموضوع .. لكن ما باب ابعاد الاحباط والحث عن البحث حل المشكلة وليس البحث في المشكلة . وهذا الكلام لجميع حصل على حرف f ضمن مواده ( هذا الكلام كنت اريد ان اطرحه منذ ظهور النتائج في اول يوم وحصول البعض على حرف f في بعض موادهم ) .

نسئل الله ان يعين الجميع

تحياتي للجميع .