استفسار عن طي القيد الله لايكتبها لي وللمسلمين

[جهير]

السلام عليكم ورحمة الله وبركاته

يا أفاضل أنا أعيش كابوس رهيب وهو طي القيد من يوم دخلت الجامعة معدلي مو زين وحالتي حالة
وهالترم عندي مادتين fومادة جبت فيها76 والباقي الله أعلم وسمعت أنه ممكن يطوون قيدي أدعوا لي وربي توبة بشد حيلي بس أطلع من هالكابوس وأبي أطمن من خلالكم هل صحيح يطوى قيدي لها الأسباب:(

[SaaaM]

اذا كان معدلك اقل من 2 وعندك انذارين( متتاليين ) من قبل
للاسف ( نعم )
ولكن سوف تحصل على استثناء وفرصه اخيره ..

اما في حاله ان المعدل اعلى من 2 او لم تحصل على انذارين متتاليين فلا طوي قيد لديك

[Master Sword]

وللمعلومية أول ماترفع معدلك تتصفر الإنذارات آلياً يعني تبدا من جديد بدون إنذارات

وموفق

[جهير]

ماعندي انذارات ومعدلي 2 وفاصلة 28 والترم الي قبله 2 وشي :(
ماحد انذرني بشي وربي
طمني لو مانذروني مانفصل صح

[جهير]

تكفون ردوا

[الحريف]

ياخي ماراح تفصل ولاشي طالما معدلك فوق 2وماعندك اي انذار.

[SaaaM]

نعم ,, مثل ما قالوا الشباب

مافيه طي قيد بإذن الله

طوي القيد يكون اذا حصل الطالب على ثلاث انذارات متتاليه ومعدله تحت 2
وغيره هذا مافيه

ربما لو نزل معدلك تحت 2 هالفصل ستحصل على انذار اول

على العموم شدي حيلك الفصل القادم وذاكري من بدري والنجاح حليفك بإذن الله

[جهير]

المشاركة الأصلية كتبت بواسطة الحريف ياخي ماراح تفصل ولاشي طالما معدلك فوق 2وماعندك اي انذار.

ليش تعصب علي عشان أسأل
مشكور

[جهير]

الله يبشركم بالجنة ويوفقكم وينجحكم ويرزقكم يارب