رسمة الفجوات اقتصاد كلي

[R2010]

السلام عليكم بنات ممكن احد يشرحلي الرسمة حق الفجوات صفحة30 ملزمة عطر الغلا

[newnew1]

مع اني اختبرت المادة من اسبوع تقريبا بس لسه فاكر بعض النقاط

حطي هذي ببالك : ك+ق+ث+ص

يعني انفاق استهلاكي+حكومي+استثماري+صافي التعامل الخارجي

عندك الخط اللي طالع من وسط الرسمة حقت الدخل هذا (العرض) 45 درجة

بعدين عندك المنحنى حق ال (الطلب1) اللي يجيكي اقل من "العرض" اللي هو خط الدخل "هذي فجوة انكماشية"
بعدين عندك منحنى الثاني حق ال (الطلب2) اللي يجيكي اعلى من "العرض" اللي هو خط الدخل " هذي فجوة تضخمية

ومنحنى الطلب عبارة عن : ك+ث+ق+ص

علاج فجوة التضخمية : سياسة انكماشية
علاج الفجوة الانكماشية: سياسة توسعية


طيب في حالة تضخمية ايش تسوي ؟ نستخدم سياسة انكماشية, لازم ننزلي منحنى الـ (طلب 2) بحيث انو يكون لاصق في خط الدخل كذا سار توازن مو ؟
طيب دحين جيبي القاعدة وحطيها قدامك : د =ك+ث+ث+ص

لما تكون سياسة انكماشية يعني كل شي بالناقص. ايش ننقص من ك+ث+ث+ص بحيث الدخل او الناتج ينقص ؟

اذا نزلنا انفاق استهلاكي بنفس مقدار الفجوة كذا حلينا المشكلة
او اذا نزلنا الانفاق الحكومي بنفس مقدار الفجوة كذا حلينا المشكلة برضو بالقاعدة اللي هو تجيبي مضاعف الانفاق وبعدين مقدار التغير في الانفاق
او اذا فرضنا ضرائب على المستثمرين اللي هو (ث) بنفس مقدار الفجوة الاستهلاك ينقص. كيف ينقص ما ادري لكن اهم شي ان ينقص وبالتالي نكون كذا نزلنا الطلب الين خط الدخل. انتي افهميها كذا اسهل طريقة.


واذا كانت الفجوة انكماشية نستخدم سياسة توسعية. نفس الشي هدفنا يكون ان نرفع منحنى الطلب لفوق الين مايوصل لخط الدخل كذا يكون سار توازن. معناتو ك+ث+ق+ص ايش نزود من هنا بنفس مقدار الفجوة ؟

نزود من الانفاق الحكومي بنفس مقدار الفجوة
او ننقص الضريبة على المستثمرين وبالتالي الاستهلاك يزيد

يعني في حالة الفجوة التضخمية نستخدم سياسة انكماشية معناتو كل شي بالناقص
وفي حالة فجوة انكماشية نستخدم سياسة توسعية وكل شي بالزائد

ادري الشرح مرا اهبل بس مشي حالك واذا في شي مو فاهمتو احاول اوضحلك هو. وموفقة