خريج بس رسبوه!!

[hani1402]

السلام عليكم ورحمة الله وبركاته

ياجماعة الخير حبيت أبارك للناجحين وأهنيهم هذا أول شيء الشيء الثاني أنا الترم هذا خريج بس للأسف دكتور بحوث العمليات أبى ذلك ورسبني على العموم الحمدلله على كل حال اللي حبيت أعرفه اللي زي وضعي وباقي له هالمادة بس هل ممكن يعيدون له التصحيح؟؟ طيب لو عدنا هالمادة بالصيف هل ياخذون علي رسوم واللا لا؟ طيب فيه أحد ممكن يدلني على اللي كاتب أسئلة الترم هذا رقم جواله أو ايميله على اساس نراسله لعل وعسى انه يساعدني ومشكورين ياجماعة الخير على مساعدتكم واسفين على ازعاجكم

[صرآحة عقل ..!]

وعليكم السلام ورحمة الله وبركاته ..

هلا بك .. أخوي ..

الحمد لله على كل حال .. لكن ياليت تروح لدكتور الماده وتكلمه إن شاء الله يفيدك ..

الله يوفقك وإن شاء الله خير ..!

[مشاري الرياض]

الله يعوضك ويمكن خيره لاتخاف ماراح يضيع شي عند ربك اذا لك حق .....الله يسهلك كل عسر

[hani1402]

يعطيك العافية أخوي صراحة وماقصرت بس ابي اجابات ياشباب على الاسئلة لاتحرومني من خبراتكم

[سلطان مشخص]

هلا وغلا

فــيــــــــــــــك

الله يعوضك خير
عسى معدلك يرتفع
احسن واحسن
ربي يسعدك

[حماده909]

ماراح يأخذوا منك رسوم على ماده وحده
بس مادام رصد الدرجات حاول تروح له مكتبه وممكن تطلع بنتيجه

[الطموح 2008]

الله يعوضك خير

[حروف واثقه]

اذا مارصد باقي الدرجات حاول تروحله وتشرحه له انك خريج وباقيتلك هذة الماده وعساه يراعي هذا الشيء

واعتقد هذا الحل اللي عندك
والله يسخره لك

[السياسي]

هل يوجد لجنة استرحام لمثل هذه الحالات ؟

[شرقاوي منتسب]

اخوي
اسمع الكلام... رح للدكتور..رح للدكتور..رح للدكتور
ترى الخريج له معامله خاصه في التصحيح... اذا بتقعد تسأل الحين هنا..ترى مافينا دكاتره بينفعونك.؟؟

هو مايدري عنك خريج او لا..رح له دام الوقت مفتوح لهم يرصدون درجات على الاوديس ترى اذا قفل عليهم النظام مايقدر يسوي لك شي

وصدقني خلك متفائل وايمانك بالله قوي..وابشرك انك بتنجح بس لازم تروح الدكتور..اذا مو موجود بجده الله لايهينك اقرب رحله وتعال جده دام الوضع حامي


ويقول الله تعالي..انا عند ظن عبدي بي
وخل املك بالله انه هو القادر على كل شي وعلى مستحيل

والله يوفقك وينجحك وتبشرنا هنا

(للمعلوميه اعرف اكثر من طالب راسبين في مواد وراحوا للدكاتره وقالوا لهم حنا خريجين ونجحوهم لان لهم معامله خاصه فحرام يحرم من اتلخرج واعرفهم معرفه شخصيه ورحت معهم لكذا دكتور )

والله يوفقك