تسجيل اختبارات قياس ...استفسار بسيط

[co3]

السلام عليكم ورحمة الله وبركاته


انا سجلت في اختبار القدرات واختبارالكفايات في موقع القياس ولمن اضغط الاختبارات المسجلة تجيني الاختبارين (حجزمؤكد )
لكن خانة الاختصاص في صفحتين الاختبار فاااضية لاني ماعبيت الاختصاص عند اختيارمكان الاختبار ولا اقدر اعدلها .......ايش اسوي

ورقم الجلوس كمان فاضي ...كذا صح
.................................................. ..................................
افيدوني اول مرة اسجل لاختبار في قياس

وهل لازم اطبع صفحة للمعلومات آخذها معايه وقت الاختبار ولا مو لازم ...(انا ماعندي طابعة ) ........وايش هي البيانات اللي اكتبها في ورقة واشيلها للاختبارغير رقم المشترك

ورمز الموعد مهم احفظه عندي ولا لا

.................................................. ........

انا اختباري بعد المغرب بنصف ساعة في جامعة الملك عبدالعزيز مبنى 29 (هذا المبنى معروف ولا لازم احوس وادوور عليه قبلها بيوم )

سامحوني كثرت الاسئلة عليكم .......بس ما اعرف لإجراءات قياس ولا لإجراءات الجامعة
الله يعينكم علي

[راسين]

ما تاخذي معكِ غير بطاقة الاحوال ورقم الاشتراك

اما رقم الجلوس ورقم القاعة المفروض اول ما تدفعي الرسوم تصلك رسالة على جوالك

وممكن تعدلي بياناتك تحصلي خانة مكتوب عليها تعديل بيانات

اما مبنى 29 اول ما توصلي الجامعة اسالي الحارس راح يدلك

[بنت جدة المنكوبة]

فين مكتوب مبنى 29

[عماد الحسن]

بالنسبة للتخصص اختاري : عام
المستوى الجامعي تختاري : متخرج
رمز جهة العمل تكتبي رقم: 99999
مكان الاختبار هو: جامعة الملك عبدالعزيز مبنى 29 أو كلية التربية بالفيصلية (جدة). وبعد المغرب تكون الجامعة فاضية وكل الطالبات الموجودات رايحين لنفس المبنى وممكن تروحي معاهم.
نوع الاختبار المطلوب : الكفايات مطلوب للماجستير عموماً والقدرات للخاص فقط ولكنه سوف يعتمد للعام قريباً فأنصحكم بدخوله، وبقية الخطوات واضحة ولو لكم سؤال ممكن تكتبيه هنا.

[co3]

استاذ عماد
ماجاني رقم الجلوس ولا رقم القاعة .........والبيانات اللي مكتوب فيه عام : ماقدرت اصلحها

هل لازم يجيني رقم جلوس ورقم القاعة ولا اذا رحت الاختبار اعرفها

[co3]

هل رقم المجموعة .....الموجود عندي ........هو رقم القاعة اللي حيكون فيها الاختبار

ورقم جلوس ما جاني لابرساله ولا مكانه في البيانات فاضي

[أم بنــدر]

السلام عليكم..

انا سددت عن طريق الصراف وطبعاً اداني رقم الايصال لمن جيت ابغى اشحن رصيدي بيقولي الرقم خطأ رغم انه طالع لي تسع خانات فقط والمطلوب رقم بعشرة خانات...شيكت على الانترنت طلع نفس الرقم برضو بيقولي خطأ ايش اعمل...

[co3]

هلا ام بندر

انا سددت عن طريق بنك الراجحي واعطتني ايصال الموظفة فيه رقم

انا سددت اليوم وسجلت في الاختبار بعد ما سددت على طول(في الصباح) وللآن ما اعطوني رقم الجلوس

مدري ايش اسوي

[أم بنــدر]

اتوقع اول ماتروحي للقاعة فيه اسماء تلاقينها دوري على اسمك وكتوب فوقها مكان القاعة...رقم الجلوس مو مهم..

اهم شي المجموعة لانك حتدوري على اسمك بينهم وقت الاختبار