ممنوع دخول الشاب فالمكان مخصص للعوائل ...!!!

[الكريم ابن الكرام]

أبغى أسأل البنات اللي مؤيدين دخول الشباب بحجة إنهم مساكين




أول شيء شوفوا كيف أشكالهم وملابسهم لمن يجوا يدخلوا المول



شعر قذر وبنطلون ما فيه أي نوع من الحشمة ومياعة إلى أبعد حد




ونية الله أعلم بها



فإذا كنتوا تبغوهم ليش حددتوا المول بالذات



شوفوا لكم مكان ثاني تلتقوا فيه وتهنوا وخلوا المولات والأسواق في حالها

[الراقي]

المشاركة الأصلية كتبت بواسطة الكريم ابن الكرام فإذا كنتوا تبغوهم ليش حددتوا المول بالذات شوفوا لكم مكان ثاني تلتقوا فيه وتهنوا وخلوا المولات والأسواق في حالها

الاخوات اللي ناصروا حق الشباب في هالموضوع مشهود لهم بالصلاح و الرقي.

شوف ..
في جدة مولات معينة زي الجامعة بلازا دخولها مفتوح للجميع ...ولا نرى ولا نشاهد ما يتحدث عنه البعض ..كأن الشباب السعودي كلاب مسعورة ..
يا سيدي ويا ابن الكرام ..عندما تحتاج غرضاً من احدى هذه المولات ويتم منعك من الدخول سوف تشعر بما يشعر بهِ العديد من الشباب ..وعندما تقف امام البوابة بلا حيلة وانت شاب وكبير ومحترم ويجي شخص ثاني باين من شكله أنو حق كلام فاضي وبصبصه ومعاه اي وحده و يدخل وقتها سوف تشعر بالقهر.
ترا اللي يعاني من الدخول هو صاحب الحاجة من المول أما اللي يجي يبغه يقابل عادي ..تدخله هيا

ويا هلا فيك

[soma al7elwa]

المشاركة الأصلية كتبت بواسطة الكريم ابن الكرام أبغى أسأل البنات اللي مؤيدين دخول الشباب بحجة إنهم مساكين أول شيء شوفوا كيف أشكالهم وملابسهم لمن يجوا يدخلوا المول شعر قذر وبنطلون ما فيه أي نوع من الحشمة ومياعة إلى أبعد حد ونية الله أعلم بها فإذا كنتوا تبغوهم ليش حددتوا المول بالذات شوفوا لكم مكان ثاني تلتقوا فيه وتهنوا وخلوا المولات والأسواق في حالها

أول شي هما مو "مساكين"

هدا حق من حقوقهم .. حق من حقوقهم سلب منهم بسبب تصرفات البعض ..

إنت من حقك تدخل المول أو السوق أو اي مكان عام إن شا الله لو تطلع القمر ..طالما ماصدرت منك انت أذية ليش تمنع ؟؟

مالك شغل فغيرك ايش يعمل .. انت ماسويت شي

الأشكال اللي مو عاجبتك والمناظر اللي واصفها بـ"القذرة" اللي عند الباب ترى مليااااانة جوا ..

ممكن يكون مع اهلو ممكن يكون حط 50 ريال فجيب السيكيروتي أو يكون لك بيه معرفة ما ..

ترى اللي يبغى يدخل حيدخل بطريقة أو بأخرى .. فليش القوانين "العبيطة" دي؟؟

بالنسبة لآخر جملة .. فما أدري ايش اقول بصراحة !!!

لما قريتها أنا خرست .. !

هل المفروض اني اغضب وارد عليك بمثلها ؟؟ ولا اعيد وازيد وابررلك ايش مقصدي -اللي هو واضح ومايحتاج تبرير - ولا ادعي عليك تسمع وحدة زيها فأقرب الناس ليك ولا ايش؟؟؟

كل الي اقوله .. حسبي الله ونعم الوكيل ...

حسبي الله ونعم الوكيل .. حسبي الله ونعم الوكيل ...