طلب من بنات جدة بخصوص الرقم الجامعي

[أم جنوو]

السلام عليكم
اخواتي الفاضلات من بنات جدة لو سمحتو حابة اطلب منكم خدمة
والسبب لأني من خارج جدة..
أنا لما سلمت اوراقي بتاريخ 23 - 6
قالوا لي اجي بعد 10 ايام الى اسبوعين لاستلام الرقم الجامعي
وهذا معناه سفر وحجوزات وانقطاع عن العمل (مو مشكلة الصراحة )
لكن لما قرأت في ردود بعض الاخوات اتضح انه الاغلبية قالوا لهم تعالوا في منتصف رجب لاستلام الرقم الجامعي
وانا اذا حسبت 10 ايام من بعد تسليم اوراقي معناه مطلوب اجي بتاريخ 10 رجب تقريبا
لكن بناء على ردود الاخوات الذي سبق الاشارة لها اخاف اجي بيوم 10 رجب ورقمي يكون غير جاهز
وتضيع علي السفرة
حاولت اكلم العمادة اتأكد منهم ما ردوا علي ابداا
لذلك ياحبذا لو وحدة منكم وهي رايحة الجامعة تمر على عمادة القبول والتسجيل وتتاكد بالضبط من موعد استلام الارقام الجامعية
مع العلم اني مقدمة ماستر قسم تاريخ
شكرا
وبالتوفيق للجميع

[بنت جدة المنكوبة]

أنا رحت في نفس اليوم إلي رحتي فيه قالولي بعد اسبوعين
بعدين ماانتظرتهم جيتهم بعد أسبوع قالولي إحنا ماقلنالك في منتصف رجب قلتلهم لا إنتم قلتولي تعالي بعد اسبوعين بس أنا جيتكم بعد أسبوع لأنو مايمديني أجي الجامعة
فقالولي تعالي منتصف رجب يعني تقريبا 15 رجب

الله يعيننا وبس
صحبتي اليوم راحت وأعطوها رقم جامعي
أبغى أعرف حاجة وحدة ليش ناس إيوا وناس لا

[كبرياء أنثـى]

ربي يوفقكم..

أنا اللي سجلت من زمان.. وم فاكرة الطريقة..

بس أختي سجلت المستوى اللي فات..

وأرسلت اوراقها كلها dhl

وكمان الجامعة.. أرسلوا أوراقها وبطاقتها الجامعية بـ DHL

والله أعلم إذا غيروا النظام..

بالتوفيق لكم أخواتي..

[عماد الحسن]

الله يعينكم على السفر والحجز ... وأنصحكم تكتبي خطاب وفيه اسمك وكل البيانات وترسليه للبريد التالي الخاص بعمادة الدراسات العليا
sbelady@gmail.com
dgs@kau.edu.sa

واحتمال كبير المسئولين يتجاوبوا معكم ويرسلوا الرقم الجامعي ويعفوكم من السفر لجدة.

[أم جنوو]

بنت جدة المنكوبة
كبرياء انثى
استاذ عماد الحسن
اشكركم جزيل الشكر لتجاوبكم
الله يوفقكم جميعا