لكل من قدم على ماجستيرالطب في فترة التمديد.. اتصلت وهاذا ردهم

[عهوود]

لي كم اسبوع وانا بحاول اوصل لكلية الطب عشان اعرف اذا كان في مقابلة شخصية او اختبار للمتقدمات في فترة التمديد ورحت بنفسي ولكن للأسف مالقيت احد ولما رحت اخذت رقم المشرفة حق القسم دكتورة فايزة الفايز وكنت احاول ادق عليها واخيرا اليوم ردت
سألتها بالنسبة للمتقدمات في فترة التمديد اش وضعهم وقالت لي انه اليوم في اجتماع مع رئيس القسم وانهم خلاص اساسا مكتفين بالعدد اللي عندهم وهم قبلوا 8 طالبات وهاذا بزيادة عليهم ؟؟؟؟ بالعربي مايبغوا يقبلوا احد وسألتها تحديدا يعني ممكن ماتقبلوا احد قالت مااعرف ؟طالما هما مكتفين يمددوا على اي اساس ولا بس يأملوا الناس على الفاضي ؟؟ياناس يصير هاذا الكلام انا وغيري من جدة مو مشكلة لكن اللي جايين من برا بس عشان يحطوا اوراقهم في العمادة بالله يرضي مين هاذا الكلام ؟ الموهم هيا قالت لي اتصل بكرة بعد الساعة 1 وهي ترد علي وربنا يعيين .. انا سألتها كمان بالنسبة للتحويل من علوم لطب قالت بكرة ارد لك خبر ..ادعوا لي ربنا يسهلي ويارب ننقبل كلنا بإذن الله .

[beauty star]

انتي تقصدي بالنسبه للمستر الخاص , وبكلمة ماجستير الطب ( علم التشريح التقني ) ولا تقصدي تخصص ثاني ,

والثمانيه المقبولين فقط من التمديد ولا الثمانية هم من مجموع المتقدمين دون استثناء , اعذريني اختي على الإطاله

[عهوود]

اهلين فيكي اختي عادي لا اطالة ولاشئ
انا اقصد الماستر العام وبالتحديد قسم الكيمياء الحيوية السريرية والثمانية اللي اقصدهم هم اللي انقبلوا في الفترة الاولى .. والتخصصات التانية ماعندي خلفية عنها .

[جوري حنان]

تسلمي عهووود على هذي المعلوماات والله يعطيكي الف عاافية ياقمر
بس والله انصدمت من كلام القسم..معقوول بعد كل هذا وحنا صابرين وقاعدين نستنى النتايج..بالاخر يقولوا كذا؟؟
الله يستر ويقدم اللي فيه الخير ويكتبنا من المقبولين يااااارب

[عماد الحسن]

أشكر الأخت http://www.skaau.com/vb/member.php?u=24339 على هذه المعلومات وأفضل الانتظار قبل الحكم على القسم

علماً بأن تمديد فترة القبول يعني إلتزام الكلية بقبول المتقدمين وهذا واجب عليهم، وبكرة إن شاء الله تتضح الصورة وربنا يوفقكم في الماجستير.

[عهوود]

للأسف تعبت وانا اتصل اليوم ومااحد بيرد حأحاول بكرة اتصل تاني وابلغكم بأي شئ جديد.. ربنا يسهل يارب