استفسار عن تأجير السيارات في مطار جدة

[wolf of najd]

السلام عليكم اخواني الطلاب ...

انا ان شاء الله عندي اختبار في 27 /6 وعقب اسبوعين يعني اخر يومين اربع اختبارات يعني باجي لجده الخميس اختبر وارجع وخلال هاليوم ابغى استاجر سيارة من المطار بس ما ادري كيف طريقة الحجز من الشركات اللي هناك ووشي الشركات اللي في المطار ... عشان اجي والقا السيارة جاهزة وبحسبة بسيطة راح تكون اوفر من التكسي واريح بال

[تاج المشاعر]

وعليكم السلام ورحمة الله وبركاته

بالنسبة لتأجير السيارات في مطار جدة
المطلوب :
بطاقة عمل
بطاقة احوال
رخصة قيادة سارية
ومبلغ تأمين أو بطاقة فيزا & ماستر كارد

[صبا نجد]

وعليكم السلام ورحمة الله وبركاته
تأجير السيارات في المطار سهل لكن في وقت الاختبارات يصير زحمة شوي خصوصا مع بداية الاختبار لإن اغلب الطلاب زيك يستاجرون من المطار . الترم اللي فات صار لي مشكلة في المطار نزلت ورحت ادور سيارة ومالقيت سيارة صغيرة كلها طالعه وجلست في المطار على اعصابي لكن ربك سهلها واتصل فيهم واحد مستاجر سيارة وقال انا في الطريق وجلست انتظره واخذت السياره منه .

بالنسبة للشروط . بطاقة عمل ، رخصة قيادة ، بطاقة احوال . احيانا يطلبون ماستر كارد اذا ما ارتاحوا للشخص المستاجر .

[m999m]

انا انصح الجميع يا خذون تاكسي من المطار

ويطلعون على مجمع تأجير السيارات اللي في شارع قريش مع طريق المدينه مقابل فندق الدار البيضاء

جميع المكاتب هناك وبأسعار ارخص من المطار (( لأن المطار له اسعار خاصه ))

ومكان المجمع واضح جدا جدا

تطلع من المطار على طريق المدينه يجيك شارع حراء عديه بعدها عمارة المنزل على يمين عديها بعدها يجيك المجمع على طوووول


وبالتوفيق للجميع ،،،

[wolf of najd]

الله يعطيكم العافية ومشكورين على تجاوبكم لكن السؤال اقدر احجز من الرياض واذا جيت القا سيارتي جاهزة ؟؟؟

[aims]

و عليكم السلام

تقدر تحجز من اي مكان بس كل الي عليك انك تتصل بالشركه و تحجز

بس هل في عمر معين ؟؟ او لا ؟؟

هنا السؤال ؟
لان في شركات تشرط ان يكون العمر 27 واكثر وفي شركات 25 و اكثر وفي بعد 21 بس ياترا المطار كييف ؟؟


@_@