مهم ممكن من الجميع المساعدة

[قائد]

السلام عليكم ورحمة الله وبركاته الى الجميع احب اهنيكم واهني نفسي بكم وعلى الموقع الممتاز والمثالي والاكثر من رائع
ومشكلتي اني انا بكلية الاقتصاد والادارة قسم ادارة عامة بالفصل الرابع وحصلت لي مشكلة باول الترم بالجدول نزلزلي محاسبة 101وانا نجحت فيها ورحت للعمادة وغيرو لي الى محاسبة 102 وانا كنت طالب هذا الشي وماكنت اعرف ان هذي المادة من ضمن المواد الاختيارية وبصراحة صعبة شوي والمفروض اني بدل ما انزلها اكون انزل محاسبة حكومية 321لانها من اختصاصي

السؤال /// هل اقدر يوم السبت هذا بتاريخ 22اغير الجدول لو رحت عندهم واحذف 102 واضيف 321بدلها هل يقبلون بالشي ذا لأن ماعاد بقي على الاختبارات الا اسبوع افيدوني جزاكم الله خير

[قائد]

يا اخوان احد يفيدني الموضوع مهم مايصير مواضيع بعدي وجاوبتوهم

[nora-shammari]

شف يا قائد

اولا: انا ما انصحك تضيف محاسبة حكومية لانها بالجدول راح تكون يوم الخميس الجاي 27-6-1431
ومحاسبة 102 راح تكون بتاريخ 8-7-1431 (وانا اقولك خلك على مجنونك لا يجيك اللي اجنّ منه خخخخ)

ثانيا: موعد الحذف والاضافة على النت انتهى لكن اذا تقدر تروح للجامعة رح لهم وجرب يمكن يمديك تحذفه.

[الحب الخالد]

اذا تعرف احد ..واو يعني يمديك

غير كذا ما اتوقع.........

[رنـو]

اللي بيفيدك بالاجابه الصحيحه الجامعه فقط
ولاتعتمد على كلام الطلاب

وشكرا

[المحترف]

السلام عليكم ورحمة الله وبركاته



يا قائد


ما يحتاج تروح للجامعة حاول تراسلهم عن طريق الخدمات الإلكترونية


صدقني بتحصل تجاوب


والأهم من هذا كله


محاسبة 102 سهلة جدا



بس حاول تركز على أسئلة الأترام السابقة



وبتحصل في النت أسئلة محلولة كثيره للمحاسبة 102



جميع الإختبارات ما تخرج عن مضمونها




صدقني المادة سهله جداً .


تمنياتي لك بالتوفيق النجاح ...

[قائد]

مشكورين وماقصرتم وجزاكم الله خير