خلونا نتعاون في حل إأسئلة مسابقة أرض وطن ..جريدة عكاظ

[ENRIQUE]

هلا وغلا
كيفكم ياحلوين
طيبين
سامحوني ليا اسبوع مريض
ومااقدر ادخل هنا
واتمنى تكونو حليتو صح
زي مااتعودنا

المهم
بالنسبة للسحب
هم منتظرين الشهر التاني يخلص
ويسحبو في الاول
عشان لما نخش عالتالت ويقرب ينتهي يسحبو في التاني
فهمتو زي كدة

واحب اقلكم الاجابات كلها صحيحة
وربنا يوفقكم
اما انا الشهر دا مالي اي حظ معاكم
لاني ناقصني كوبون رقم
ومالقيته
لفيت جدة لف
بس للاسف مااااافي اللي عنده ويبغ يبيعه
اشتريه منه ..
واللي يبغ الكوبونات من 25 الى 29 موجودة عندي
لاني مااستخدمها لان الكوبون رقم 2 مو عندي
اللي محتاجها اجبله هيا
من عنوني

وبالنسبة
للاخوان اللي يسالو كيف يرسلو
المظاريف

نقلهم كيف

زي ماقال الاخ
طيري القماري

تكتب على الكوبون

موسسة عكاظ للصحافة والنشر
ص . ب 54178
جدة 21514
مسابقة ارض ونقد
الشهر الفلاني

بالنسبة للي هم مو من جدة
فهمتو .. اقرو الشروط تمام

واللي من جدة
يكتب

مسابقة ارض ونقد - صحيفة عكاظ
الشهر الفلاني

.........................


واللي يبغ يعرف وين يحط الظرف
طبعا مقر الجريدة
في حي الرحاب
بجانب قاعة ريفال
يعني اللي يمشي على شارع الاربعين( شارع الامير متعب)
تكون على يمينه مدارس المنارات
يمشي طوااالي تجيه اشارة يدخل من عندها يمين
يمشي طواالي تجيه اشارة
يدخل من عندها يسار ويطول وهو ماشي تجيه لفة يمين يدخل من عندها ويمشي طوالي
يلقى المبنى على يمينه
وجنب الباب تلاقي شباكين
شباك مكتوب عليه مسابقة ارض ونقد
حطها فيه

واتمنى اتمنى اتمنى اتمنى لكم الفوووووووووووووووز ياااااااااااارب
من اعمااااااااااااااااااااااااااااقي
دمتم بكل حب وود

[Rona]

المشاركة الأصلية كتبت بواسطة enrique هلا وغلا كيفكم ياحلوين طيبين سامحوني ليا اسبوع مريض ومااقدر ادخل هنا واتمنى تكونو حليتو صح زي مااتعودنا المهم بالنسبة للسحب هم منتظرين الشهر التاني يخلص ويسحبو في الاول عشان لما نخش عالتالت ويقرب ينتهي يسحبو في التاني فهمتو زي كدة واحب اقلكم الاجابات كلها صحيحة وربنا يوفقكم اما انا الشهر دا مالي اي حظ معاكم لاني ناقصني كوبون رقم ومالقيته لفيت جدة لف بس للاسف مااااافي اللي عنده ويبغ يبيعه اشتريه منه .. واللي يبغ الكوبونات من 25 الى 29 موجودة عندي لاني مااستخدمها لان الكوبون رقم 2 مو عندي اللي محتاجها اجبله هيا من عنوني دمتم بكل حب وود

اخ ان ريكي بعد التحيه..
انا ناقصتني كوبونات رقم 27 و 28
موجوده عندك ؟؟
استنى ردك و مشكوووووووور

[ENRIQUE]

المشاركة الأصلية كتبت بواسطة rona اخ ان ريكي بعد التحيه.. انا ناقصتني كوبونات رقم 27 و 28 موجوده عندك ؟؟ استنى ردك و مشكوووووووور

ايوة موجودة

[دعوة السحر]

السلام عليكم
بالنسبة لأستفساركم اخواني عن عدد الكوبونات فأنا متابعة المسابقة من اول وهي ما بدأت إلا 5 أو 6 من شهرمايو يعني متأخرة 5 أو 6 أيام لذلك راح يكون عدد الكوبونات في آخر الشهر 25
أتمنى ان كلامي مفهوم والفكرة واضحة بالنسبة لكم
تمنياتي للجميع بالتوفيق

[دعوة السحر]

آسفة جداً فاتحة رابط المسابقتين وكتبت الرد بالغلط
وبالنسبة لأستفساركم عن سؤال 21 فأنا لما رجعت لمسابقة سابقة لنفس الجريدة (الظاهر انها مسابقة رجال من بلادنا) لقيت الحل المكتوب عندي خالد الفيصل
(لأني اكتب الاسئلة والاجوبة لأي مسابقة اشترك فيها)
واتمنى التوفيق للجميع