استفسار

[DANoOo.R]

المشاركة الأصلية كتبت بواسطة صديق نت السلا عليكم أهلا وعليكم السلام أنا كنت اتصفح النت عن جامعة الملك عبد العزيز ووجدت هذا المنتدى وأعجبني وأريد أن استفسر من الطلاب نفسهم والاسئلة كالآتي : مالمعدل المطلوب لدخول كلية الطب ؟ اللي أعرفه أنه كل سنه بيتغير المعدل المطلوب عن السنه اللي قبلها على حسب معدل الطلاب يعني السنه اللي فاتت كان المعدل المطلوب زي ماقال الأخ B+ أما دي السنه المعدل المطلوب A+ أنا أدرس في الثانوية المطورة وهل مواد السنة التحضيرية شبيهه بالمحتوى عن الثانوية ؟ ايوا تشبه مواد المطور أنا كنت أدرس في مطور كمان وفي مواد كثيره راح تكون عدت عليك في الثانوي زي ماده مهارات الاتصال والحاسب والاحصاء يعني ان شاء الله مايكون في صعوبه وبالنسبه للمواد العلميه زي الرياضيات والفيزيا والكيمياء برضو نفسها حتى كنت أحيانا ارجع لكتب الثانوي عشان افهم بعض النقاط اللي مو واضحه ومايختلف عنها كثير بعد السنة التحضيرية هل يحق لي المفاضلة في فروع الجامعة في السليمانية وعسفان ورابغ لدخول كلية الطب انا سمعت إن السنة اللي راحت إن الطلاب جابوا المعدل كامل ولم يدخلوا كلية الطب لاكتمال العدد هل هذا صحيح ؟ هذا السؤال الأخ جاوبك عليه أنا ما أقدر أفيدك أسفه كيف يتم توزيع الطلاب في السنة التحضيرية في التخصصات ؟ في الكليات الطبيه (الطب وطب الأسنانوهندسه بالنسبه للأولاد) على حسب المعدل في المواد اللي ذكرها الأخ (فيزياء- رياضيات - احصاء - أحياء - كيمياء - إنجليزي) لازم تكون بتقدير A . أما الكليات الباقيه على حسب المعدل والمفاضله والأماكن المتاحه . هل تصحيح الاختبارات الكتروني ايوا كل الاختبارات تصحيح آلي ولازم تعرف طريقه التظليل وآسف على الاطالة

وأهلا فيك مره تانيه
وأتمنى لك التوفيق يارب
وشد حيلك عشان تقدر تحقق اللي تتمناه
والسنه التحضيريه تحتاج لتأسيس صح في المواد العلميه عشان تكون عارف انت ايش تاخذ لأنه أحيانا بعض الدكاتره ما يعرفوا يشرحوا أو يكون شرحهم أعلى من مستوى فهم الطلاب
لأنه السنه التحضيريه مو سهله زي ما كنا متوقعين ومو كل الدكاتره متعاونين
والأسئله راح تكون من لجنه مو من نفس الدكتور اللي يدرسك

وبس إن شاء الله أكون أفدتك بمعلوماتي البسيطه
وإذا احتجت أي شي قول وان شاء الله نقدر نساعدك
وإن شاء الله ربنا يوفق الجميع ويسهلك أمورك ^_^

DANoOo.R