تعالو نتساعد في بحوث العمليات

[فتفوتة سكر]

المشاركة الأصلية كتبت بواسطة ودي أقول ممكن تفهميني الزاويه الشماليه وهل في قانون نمشي عليه والا كيف ؟ استنى ردك مع المسار الحرج موفقه يارب

ولا يهمك
لكن احس الزاويه الشماليه سهله بس امكن ما اعرف اوصلك الطريقه

شوفي ياقمر مثلا سؤال صفحه 19
اول اشي حطي ببالك نقطتين :
1- اللي يهمك في طريقة الزاويه الشماليه عامود العرض وصف الطلب
2- لازم تبدئي الحل من اول مربع الشمالي الشرقي ( اللي مكتوب عليه القيمه 9 في المثال )

تبدئي من اول رقم في العرض حابين نحطه في المربعات اللي جوا لكن اللي يحكمنا الطلب لانه نحن حنستلف منه
نرجع للمثال :
حطينا 30 في اول مربع استلفناها من الطلب (75 بعد ما استلفنا منها 30 صارت 45)
انتهينا من اول واحد في العرض انتقلي للي بعده (60) حنستلفه من الطلب لكن الطلب مافيه غير (45)!!
نحط 45 في المربع و(60) لسه ماخلصت باقيلنا منها (15)
ننتقل يسار الى ان ننتهي من (60) وناخد من الطلب ( الان الطلب كان 35وبعد ما اخدنا منه 15 صار 20 )
انتهينا من ال(60) في العرض
ننتقل للي بعدها (80) وننزل من اخر مربع اشتغلنا فيه
نفس الطريقه حنستلف من الطلب لكن لقينا ماعنده غير 20 , نكتبها في المربع
وننتقل يسار لانه (80 ) لسه ماخلصت
ناخد من الطلب اللي تحت نلاقي 40 نكتبها
باقيلنا من 80 كم ؟؟؟
باقي 20 , ونلاقي اخر طلب فيه 20 ناخذها ونكتبها في المربع
وكده انتي خليتي كل قيم الطلب والعرض صفر معناته حلك صح

بصراحه احس لازم فيس تو فيس
لكن بقدر الامكان حاولت اوصفلك الطريقه
لو خطوه مافهمتيها احكيلي