استفسار مهم جداً

[عبير العسيري]

عندي تعليق بسيط ياخي

أولا/ بقول لك الله يبارك فيك ويكثر من امثالك

وثانيا/قسم اللغه الانجليزيه وبالذات الانتساب يحتاج لمجهود كبير في المذاكره ولابد ان تكون خلفيتك في اللغه جيده جدا عشان تنجح في المواد << يعني لازم تكون مستعد قبل لاتدخل القسم عشان تنجح وتتوفق بإذن الله

ثالثا// عندي لك اقتراح بسيط قد تستغرب منه

اذا اردت ان تتقن اللغه الانجليزيه فيوجد بعض المراكز والمعاهد ترسل دورا خارجيه وتتعلم اللغه من اهلها بحيث تدفع لهم مبلغ ويرسلونك لمدة شهرين في الاجازه الصيفيه ولكنك تعود باذن الله متقن للغه

وتقدر تحط شروط معينه للبيت اللي بتعيش فيه

انت ممكن تقول انا مابي اشوفهم في فيديو وانتي تبغين اروح الين عندهم


بقلك يأخي العزيز انت مما عرفته منك انك خايف على دينك وهذا شي رائع جدا ولكن هذا لايمنع ان تتعلم وتستفيد بل بالعكس ربما استطعت تؤثر في احد خلال تواجدك هناك وتكون سبب هدايته على يدك

قد تكون وجهة نظري خاطئه والله اعلم

لكن بالنهايه عليك بالاستخاره اي كان اختيارك وباذن الله لن تندم

اسأل الله لك التوفيق والنجاح
واسأل الله ان يعطيك على قد نيتك الطيبه

[حنين الود]

إيوآ توقعت يكون دآيركت إنجلش الي في نيوهورآيزن....(معهد فاشل لأبعد درجة) من ناحيه المناهج والخدمات وكل شي ..مآعلينا المهم ..
عمومآإن شاء الله على بدآيه الإجآزه حنزل تقرير مفصل عن كل معهد في المملكه سوآء بنآت أو أولاد ..
من نآحية الدرآسه في الجآمعة لآ طبعآ ما يستغنى أبدآ أبدآ ..إنت تحتاج تطور نفسك وتسمع كثثثيييير ..أنصحك تتآبع قنآه cnn أو قنوآت الأخبآر الأجنبيه ..لأنها تتكلم لغة إنجليزيه صحيحة ووآضحة +خلوها من المنآظر البطآلة ..إن شآء الله قريبآ نحطلنآ هنآ موضوع برآمج صوتيه ..ننزل فيهآ مقآطع صوتيه تدرب الطلاب والطآلبآت على الإستماع..
بالنسبه للموآقع الجيده..فيه هنآ أعضآء لهم موآضيع مميزه جدآ شآملة لموآقع أودكشنري (قوآميس)
بس تخلص فترة الإختبارات إن شاء الله وتوصلك المعلومآت كلهآ بحول الله ..
بالنسبة لنصيحتي ..أنا أنصحك تحط عندك في المفضلة قآموس وتدخل عليه وتجرب تكتب كلمه وتسمع نطقها وتشوف طريقة كتآبتها + تشوف كيف ممكن تجي في الجملة +ممكن تشترك في موقع القآموس نفسه يرسلولك على الإيميل كل يوم خمسه كلمات تتدرب على كتابتها ونطقها ويجيبولك جمل توضح كيف ممكن الكلمه تجي ..هذي النصيحه رقم 1
النصيحه رقم 2 تسمع إنجليزي فكرت أقولك قنآه السعودية الإنجليزيه بس للأسف صآرت مو مره يعني فيها بنات وزي كدآ فخلآص أفضل إنو تسمع للإف إم مثلا قناة أخبار cnn او bbc
وتقدر تبحث عن ترددها في قوقل وتحفظ التردد في جوالك أو الأيبود تبعك وخلاص بكدا أي وقت فرآغ تسمع وتتدرب ..شي مهم لو حآبب تدعو للإسلآم لآزم تكون مـُلم بعآدآت وتقاليد الشعوب الي تبغى تدعو لهآ..مثلآ إيش يعجبهم إيش يحبو يهتموآ بإيش؟؟ وحآول تقرآ الكلام دآ بالإنجليزي ..إقرأ عن تطوير الذآت بالإنجليزي +العربي ليه ؟؟لأن مجآلك يحتآج معلومآت جدآ قويه +صبر..
لآزم تعرف إنوتعلم اللغة خصوصآ لو كنت حتتعلمهآ عشآن هدف رآقي زي كدآ.. شي جدآ سهل أنا كنت من الطآلبآت الي جدآ أحب اللغة بس مو ملمة فيها..وحآليآ الحمد لله أطور نفسي بإستمرآر ..والحمد لله في أشيآء كثير تطورت في لغتي ..شي مهم حآول تلقى أصحآب معآك يشآركوك إهتمآمك..تتكلم معآهم بالإنجليزي ..
حآول تشوف إيش هيآ إهتمآمآتك ..مثلا الدين ؟؟إقرآ لقصآئد لشعراء العصر الحديث الي تتكلم عن أحوآل المسلمين المغتربين بالإنجليزي..قصيرة +تقدر تدعمك لو كنت حآبب تدعو تدعو النآس بشي من لغتهم +من شعرآئهم وبكدآ يسهل التوآصل معاهم ..
آخر خطوة إن شآء الله توصلها في فترة بسيطة عندك كتب وهي الخطوة الأخيره إقرآ كتب إنت قريتها بالعربي قبل كدآ حيكون أسهل عليك مثلا كتاب لاتحزن فيه منه نسخة الي هيآ do not be sad إبحث عنها في النت وإقرآهآ
كمان كتآب الشيخ محمد العريفي إستمتع بحيآتك ..فيه منه نسخة بالإنجليزي ..بس لاتشتري الكتب الإلما تتأكد من مقدرتك وعزيمتك على القرآه عشان ماتتحطم ..
إقرآ في النت عن أي شي إنت تهتم فيه مثلا إكتب information about the prophet mohammad
يعني معلومات عن النبي محمد صلى الله عليه وسلم وإقرأها وأي كلمه ماتعرفها حاول تترجمها في القاموس الإلكتروني من قوقل اكتب ترجمة قوقل ويطلعلك واكتب الكلمه الي إنت حابب تترجمها وبعد ماتعرف معناها إرجع كمل قرآءه تلآقي نفسك إكتسبت معلومآت ماكنت تتوقعها ..إبدآ حبه حبه ..بتركيز وبخطوآت ثآبته وبعزيمة وإصرآر ..وبتوصل لمبتغآك إن شآء الله ....
لو كآنت المآده متوفره عندك مثلا مارآح تكلف على نفسك وتحط لنفسك ضغوط أكبر من إنك تتحملها بمصآريف الجامعة والسفر وزي كدآ لآ أنصحك تدخل الجآمعة وتبدآ السنه التحضيريه يعني سنه تقدر من خلالها تطور نفسك وقدرآتك ..+عندك كم شهر قبل التسجيل برضو تطور نفسك فيها يصير ماتدخل القسم الإ وإنت بيرفكت (متمكن من اللغة ولو لدرجة بسيطه )
علي الهمة وشد حيلك وتوكل على ربنا وقبل كل شي إستخير وربنا يختارلك الخيره الطيبه

[راجي عفو ربه]

السلام عليكم ورحمة الله وبركاته
أما بعد
أسال الله أن يوفق الجميع لما يحبه ويرضاه
أشكر الأختين الفاضلتين عبير العسيري وحنين الود
أولاً : أسال الله أن يجعلني خيراً مما تظنان بي , وأن يرزقني وإياكما الإخلاص ويجنبنا النفاق والرياء والسمعة .
ثانياً : الأخت عبير أشكر نصيحتك , أما اللغة لدي فالحمد لله جيدة , وأما السفر لأخذ اللغة من أهلها جيد , لكن يختلف من شخص إلى شخص , وكون الإنسان يعرض نفسه للفتنة أمراً خطيراً لا لضعف الإيمان وإنما حفاظاً على معين الإيمان في القلب , والعافية والسلامة من السفر لا يعدلها شيء , لاسيما في وجود البديل من جامعات ومواقع وأصدقاء صادقين أمثالكم , وقبل ذلك كله معونة الباري سبحانه وتعالى , بارك الله فيك وأسال الله أن يتولاك بعنايته ..
أما الأخت حنين الود , أطمئنك فلم يبق بخلدي ثم استفسار أو إشكال , ولقد وجدت نوعاً من الإقبال والراحة , فالحمد لله على انشراح الصدر وتيسير الأمر , فقد أجدت وأفدت وجدت بفيض خبرتك , فالله أسأل أن يقضي لك حاجتك يوم الوقوف بين يديه حتى يثبتها لك كما سعيت في حاجتي وقضيتها ,,,
كما لا أنسى أحبتي في الله في المنتدى اللذين أكرموني بسعة حلمهم وفيض صبرهم فقرأوا رسالاتي مع ضعف تعبيري .
كما أرجو أن لا تنسوا الدعاء لأخيكم بظهر الغيب , فإن لكل منكم ملك معه يقول ولك مثله , ولقد علق بعض أهل العلم على هذا الحديث : أن دعوتك لأخيك تستجاب ولكن دعوة الملك لك آكد في الإستجابة , والله أعلم , وصلى الله على نبينا محمد وآله وصحبه أجمعين .