التوصية العلمية

[عسل بالسكر]

أنا ضد الطريقة التي يتم الحصول بها على التوصيات العلمية
لأنها وكما أسلفت طريقة غير عادلة
لأنه وببساطة الأستاذ ممكن تكون جايب عنده إمتياز وانت غير متعاون ولا منضبط ولا عندك روح مبادرة ولا تتحلى بأي من الصفات التي تخولك للحصول على التوصية وممكن تكون مجتهد ومثابر ومتعاون وممنضبط لكنك لم تستطع الحصول على الامتياز في المادة فهل هذا يمنعك من الحصول على التوصية وممكن تكون ممتاز في مادة ما لكن هذا الأستاذ ما يستلطفك ومو حاب يعطيك توصية فهل تفوتك هذه الفرصة بناء على هذا الاستاذ.
أنا مثلا علاقاتي جداً ولله الحمد كويسة مع استاذاتي سواء اللي جبت عندهم امتياز أو غيرهم بس للأسف كلهم سافروا ولما رحت الكلية ما لقيت غير وحدة صارت هي عميدة الكلية ولا يمكن اجتاز العقبات والسكرتيرات والحاشية اللي حولها عشان ادخل لها
والثانية كانت رئيسة القسم وما كانت تحبني عشان عندي شلة وهي كمان صارت عميدة في كلية ثانية
والثالثة كانت مشرفتي في التربية العملي ..
طبعا الأولى أرسلت لها النموذج مع الحاشية وقعته بدون ما تشوفني ولا تتذكر هل عمرها شافت هذا الوجه ولا لأ
الثانية ما هوبت ناحيتها
الثالثة فضلت اطاردها أيام أروح الكلية وهي ما تروح عندها تربية عملي ولما صدتها قعدت تسألني ايش تبغي تدرسي واخبارك ولو اخذتي ماستر في غير تخصصك ما راح يفيدك لأن الجامعات بترجع المعيدات لتخصصاتهم وكلام مرة مرة كثير وبعدين أنا ما أقدر اعطيك توصية إلا اذا كنتي تبغي تدرسي نفس القسم اللي انا درستك قلت لها ايوا بس هاتي انتي التوصية ...بعد جهد جهيد اعطتني هي وتقول لي انتي ممتازة غريبة ليش ما أخذتي توصيات من أول ما أتخرجتي ولااخذتيها وضاعت ولا رفضوا يعطوك ولاايش قلت لها ما جا على بالي آخذ قي ذاك الوقت قالت الله يوفقك ونسمع اخبار حلوة عنك قلت يارب
يعني وباختصار شديد الطريقة والله غير عادلة وفيها إراقة لماء وجه اللي تبغى التوصية على ايش طيب
واللي ما درستك لو تموتين ما تعطيك توصية تقولعقدي تاريخه بعد تخرجك كيف اكتب لك توصية ليش هو في التوصية مكتوب ارفق صورة من عقدك معاها ولا تاريخ التعيين ولا ايش
والله آسفة على الاطالة بس انت جيت على الجرح فقلت خليني افضفض