سؤال مهم ارجوكم

[تفاصيل]

و عليكم السلام و رحمة الله ..
بما انك مشاء الله قدرتي تدخلي كلية التمريض بجامعة الملك فيصل فهذا يدل انك نتيجتك القدرات و التحصيلي ممتازة واكيد نسبة الثانوية العامة كذلك ، لانه زي ما سمعت من بنات الشرقية انه ياخذو بس 30% على نسبة الثانوية العامة 70% على القدرات و التحصيلي ..
لكن جامعة الملك عبدالعزيز 20% تحصيلي ، 30% قدرات ، 50% نسبة الثانوية العامة ..
يعني بدون ماتختبري قدرات مرة ثانية ، اكيد حتجيبي نسبة موزونة عالية حسب جامعة عزوز وبتدخليها بالراحة ..

لكن اذا ماتغير النظام حتدرسي سنة تحضيرية عاااااااامة و على حسب معدلك تقدري تدخلي طب او لا ..
و اتوقع مرره مو سهل تدخلي طب في عزوز خاصةً ..
عشان كذا اشوف افضل لك تضمني تخصص حلو افضل من انك تجي عزوز و يمكن لاسمح الله حتى تمريض هنا ماتقدري تدخلي ..

هذا رأيي والاختيار اولاً و أخيراً لكـ ..
الله يوفقك ويكتبلك الخير فيما كان ..

* كثرت كلام بس حبيت ابين وجهة نظري صح *