مساعده:خليه مع الدكتوره نيفين ضروري جدا

[goga]

السلام عليكم
الجميع كيف حالكم ؟؟ ان شاء الله طيبين

ممكن احد يساعدني في مادة الخله مع الدكتوره نيفين .. اختباري يوم الاثنين و جدا خايفه
من الماده و للاسف الشديد اني 3 محاضرات ما حضرتها مع الدكتوره و حاسه نفسي ضايعه
ومو فاهمه شي والان عندي ظروف عائليه جدا جدا صعبه الله يبعدها عنكم كلكم يارب
وما يبعد عنكم احد تحبونه ..الله يخليكم بنات ساعدوني .
انا بالذات الشابتر الثالث مو فاهمه فيه شي .. ممكن احد يوضح فيه المهم و بإختصار اكون شاكره جدا
و عامة ابغا اعرف الاسئله كيف تجي بسيطه ولا فيها تعقيد كثير؟؟

الله يخليكم جاوبوني يابنات والله العظيم بأشد الحاجه لمساعدتكم .. و شكرا من دحين لاي احد يساعدني

[ازهار الربيع]

ربنا يسهل لك اللي اذكره ان المادة صحيح مليانة معلومات يعني يبغى لها حفظ لكن اتذكر على ايامنا زمااااااااااان انها كانت حلوة والاسئلة تجي فيها مباشرة احفظي وكرري كثير مالك غير دي الطريقة

[202]

يااااحلووة هيا اختبرتنا اختبار كوز يعني..

حلوو كاان والاسئلة مبااشرة ما فيها لف ولا دوران..

بس انك تداكري مزبووط وبسس وترى هيا مررررة تسااعد ولا تخاافي

بس قالت شئ
انا المزكرة من السلايدات الشيتات حقها تقصد معناها انك تزاكري كللللل شئ
مو زي المزاكرة من الكتاب في اشيااء كتيير بتمشي عليها بس..

وربنا يسهل عليكي ويوفقك يااارب

[goga]

مشكورين يابنات الله يسعدكم دنا واخره كلامكم طمني شويا
بس عندي استفسار بسيط ..يعني لو ذاكرت السلايدات كلها ماراح يجي من خارجها ؟؟
او شي اصعب منها ؟؟

[الفجر الباسم]

وعليكم السلام ورحمة الله وبركاته..
أولاً أسأل الله العظيم ان يفرج عنك وعن كل مهموم
ثانياً:الدكتورة قالت ودايم تقول إنها إستحآآآآآله تجيب شيء من خارج السلايدات اللي تعطينا إياها وأن كل الاسئلة ماتخرج عن شرحها والموجود عندنا بس لازم نركز ونفهم ..
عشان كذا ياحبيبتي إنتي إستعيني بالله اولا وذاكري بتركيز وتفائلي واذا كنتي ما انتي فاهمه شيء في الشابتر الثالث ركزي على الشبترين الاولى عشان على الاقل تضمنين فيها كم درجه
وترا هيا قالت ان الاسئله سهله وكلها اختياري وبتجيب رسمات ونحط لها البيانات تبعتها

ادري طوولتها بس سامحيني والله يوفقك ويفتح لك يااااارب ونجيب كلنا الفل مارك:)