طلب مراعاة طالبات الماجستير

[شاطئ الاحزان]

صبحكم الله بالخير جميعا
اخواني في الله بعد فضل من الله قدمت على الماجستير واختبرت والحمد لله لكن الاختبار كان جدا سيئ وانا والله العظيم عندي ظروف مايعلم بها الا الله ونفسي اكمل دراستي ومعدلي الحمد لله عالي
ودي اكلم احد يراعي وضعي اذا تعرفو احد اقدر اوصلة لو من قسم الرجال يساعد اصحاب الظروف لوجة الله تعالى
واذا ابغى اطلب منحة كيف الطريقة
(لان اصحاب الضمان الاجتماعي والظروف الخاصة راعوهم في رسوم الانتساب وفي دورات في بعض المعاهد وكان كلة مجانا)
هل يوجد مراعاة لطالبات الماجستير زي البكالوريوس
اللي يعرف يبلغني الله يوفقكم

[حلمي الماستر~]

والله ياليت احد يسمعلنا
انا معدلي 3.71 .. وبنظرهم معدل واطي
طيب مو اهمال مني .. الظروف كانت اكبر مني وهي السبب بنزوله
حلمي ادرس الماستر .. واكمل .. وأجيب معدل عااااالي .. وأحقق لأبويه حلمه بأني اكمل دراستي

عندي حمااااس وطموح كبيييير .. هم بس لو يمنحونا الفرصة نكمل الدراسة

[SOOONH]

حسبي الله ونعم الوكيل

[الجنوبية]

المشاركة الأصلية كتبت بواسطة شاطئ الاحزان صبحكم الله بالخير جميعا اخواني في الله بعد فضل من الله قدمت على الماجستير واختبرت والحمد لله لكن الاختبار كان جدا سيئ وانا والله العظيم عندي ظروف مايعلم بها الا الله ونفسي اكمل دراستي ومعدلي الحمد لله عالي ودي اكلم احد يراعي وضعي اذا تعرفو احد اقدر اوصلة لو من قسم الرجال يساعد اصحاب الظروف لوجة الله تعالى واذا ابغى اطلب منحة كيف الطريقة (لان اصحاب الضمان الاجتماعي والظروف الخاصة راعوهم في رسوم الانتساب وفي دورات في بعض المعاهد وكان كلة مجانا) هل يوجد مراعاة لطالبات الماجستير زي البكالوريوس اللي يعرف يبلغني الله يوفقكم

يسعد صباحك ياشاطئ الافراح معدلك عالي والماجستير اللي مقدمة عليه عام يعني لك مكافئة وبدل مراجع وبدل طباعة بحث ولو معدلك بإدن الله ممتاز لك مكافأة أمتياز

ولكني لم أفهم مقصدك في أي جانب المراعاة؟؟

[رامية]

وضحي أكتر

[شتاء يختزن الرعود]

يعني تبغي واسطه ؟؟!!

كلنا كانت عندنا ظروف وأوضاع خاصه ماراح ينظر لهذي الظروف ولن توضع في عين الاعتبار لأننا كلنا سواء في الإختبار ..

ههههههههههه بصراحه جريئه جدا لأنك كتبتي موضوع زي كذا ..

احمدي الله اختي غيرك رغم ظروفهم الصعبه وجيتهم للاختبار استبعدوهم ..

لك سنه لين يفتح التقديم الجاي حضري له من اليوم ولا تحدك ظروفك ..

هذا مااااااستر ماهو اختبار في مدرسه اروح للمعلمه اقولها والله كنت تعبانه او صارت لي ظروف راعيني في التصحيح ..

وبعدين اشوف تخصصك علم حيوان يعني اختبرتي معانا .. والاختبار كان مره ممتاز والاسئله واضحه ومن الكتابين اللي ذاكرناهم بشكل عام ..

والا زي وحده حصلتها بعد الاختبار تبغى رئيسة القسم تتوسط لها او تراعيها ..

والله دنيا .. اكبروا يابنات اذا من بدايتها مافي جزم راح يكون البناء ركيك ..

الله يصلحنا ويهدينا للخير

[شاطئ الاحزان]

مشكورين اخواتي على الردود انا قدمت ادارة عامة واكيد قراتو اللي صار في الاختبار
وانا في موضوعي ماطلبت واسطة (انا من اهل الضمان الاجتماعي ) ولان الجامعة راعت اهل الضمان الاجتماعي في البكالوريوس قلت يمكن يراعوني انا كمان وودي اطلب بعثة للخارج لكني مااقدر اتمنى ان الجامعة تراعي الظروف شوي ويكون في انسانية لوجة الله تعالى

[شتاء يختزن الرعود]

عفوا اختي بس الكل فهم انك تبغي واسطه .. ماعليه واسفين ..

بس في ايش تبغيهم يراعون الدراسه مدفوعه يعني مابنخسر شي ..

بس المشكله في ضيق عدد اللي بيقبلوهم ..

واذا تبغي تقدمي على بعثه خارجيه قدمي على برنامج خادم الحرمين انتي ومعك محرم

وهذا الرابط تابعيهم

http://www.mohe.gov.sa/ar/studyaboar...s/default.aspx

اما عن اهل الضمان الاجتماعي بيراعوهم فما اعتقد انهم بيحطون هذا في الحسبان ..

موفقه اختي وعليك بالدعاء والاستغفار

[رحاب المدينة]

الله يسهلك ويسرلك ان شاء الله

[saab30]

ادعي ربنا وهو يسهل لك كل شيء اما من الجامعة مااعتقد يكون في مراعاة اذا من البداية وهم تعاملهم بالانطمة مافي تراجع عن اي شيء
لاتستني مساعدة واللي كاتبه ربنا بيصيرولازم نرضى فيه