طلاب وطالبات قسم " نظم معلومات ادارية" (m.i.s)

[DRE@MS]

وعليكم السلام ورحمة الله وبركاته

ماشالله يظهر عندك خلفية جيدة عن التخصص

طبعا تخصصنا يجمع بين حاجتين حلوة الحاسب والادارة تقدري تقولي ادارة اعمال عن طريق الكمبيوتر
لو اطلعتي على خطط الجامعات التانية حتلاحظي بفروقات في خطط يغلب عليها الجانب التقني اكتر وفي خطط
مركزة على الجانب الاداري اكثر>> دا زي خطة جامعتنا

المحلل لازم يكون عندو خلفية ادارية يعني يفهم بالتسويق بالموارد البشرية والمالية والخ
بالاضافة للخلفية التقنية زي البرمجة والشبكات والداتا بيز فعشان كدا بيدرسوكي مواد في المجالين..

عندنا 6 مواد تخصص :
تحليل وتصميم نظم .. نظرية واشوفها اهم مادة في المسار

برمجة فيجوال بيسك .. درستها مع د كمال في جزء نظري وفي عملي بس الاختبارات كانت نظرية للاسف :(
فيها مشروع انك تعلمي برنامج بسيط بال V.B

قواعد بيانات .. راح تاخدي فيها الاكسس وجزء نظري ..

مواضيع متقدمة في نظم المعلومات.. المنهج اللي غالبا بيدرسوه لدي المادة بيتكلم عن الشبكات ونظرية برضو.

تجارة اليكترونية .. حلوة المادة وسهلة واغلب الدكاترة بيطلبوا دورة فرونت بيج عليها..

وفي كمان نظم معلومات بالانجليزي ..

طبعا عشان تتطوري نفسك في المجال تحتاجي دورات زي sql مثلا >> مختصة بقواعد البيانات
ودورات برمجة وتصيري اشطر محللة :)


وفي اخبار تقول انو التخصص راح يصير قسم لحالو وبكدا راح تكون موادو متخصصة اكتر

اتمنى اني اكون افدتك واي استفسار انا حاضرة :)

تقدري تزوري اللينك وتستفيدي اكتر
http://www.skaau.com/vb/showthread.php?t=25546