Ie201 لنكمل ما بعد الألف ... _-(2)-_

[حمادجي]

السلام عليكم ورحمة الله

أخواني بعد الموضوع الأول

Ie201 لنكمل ما بعد الألف ...

أعتقد انو جا وقت الموضوع الثاني ولكن للأسف ما حنزل إلا تشك لست واحدة بس لظروفي واتمنى تعذروني

وبرضو أتمنى ان وقتها مناسب ويكون الاسايمنت ماتسلم باقي لاني مو عارف فين وصلوا طلاب المادة

التشك لست في الموضوع هذا هي:
تشك لست اسايمنت المقابلة مع زميلك (تيم ميت انترفيو L1)






أتمنى تستفيدوا منها وأي ملاحظات او استفسارات أنا بالخدمة

وبالتوفيق لكم في اختباراتكم

[medo0o0]

يعطيك الف عافيه حمادجي

بس عندي استفساؤ بخصوص الهوم وورك جق L5اللي هو حق Promoters and barriers

ياريت اذا عندك معلومات تفيدني
تقبل مروري

[mr increase]

مشكور حمادجي ما قصرت
والتشك لست جاء في وقته

[حمادجي]

المشاركة الأصلية كتبت بواسطة medo0o0 يعطيك الف عافيه حمادجي بس عندي استفساؤ بخصوص الهوم وورك جق l5اللي هو حق promoters and barriers ياريت اذا عندك معلومات تفيدني تقبل مروري

الله يعافيك أخوي

وما فهمت عليك اش تقصد

إذا قصدك الخطوة الاولى في الاسايمنت اللي تسووها قبل ماتجو للمحاضرة

فهي انو كل واحد يكتب 10 محفزات للفريق و10 عوائق للفريق ويكتب على كل واحدة كم كلمة شرح لها

طبعا هي على حسب الدكتور اذكر اني سويتها وما تكلم عنها الدكتور ولا شاف اصلا من اللي سواها او لا

بس طبعا استفدنا منها كثير في الاسايمنت

اتمنى هذا اللي تقصده وانا بالخدمة

بالتوفيق

المشاركة الأصلية كتبت بواسطة mr increase مشكور حمادجي ما قصرت والتشك لست جاء في وقته

العفو أخوي وأسعدتني انو ما تأخر

إن شاء الله بحاول اليومين هذي اخلص حق l4 و l5 قبل الاختبارات الاسبوع الجاي واللي بعدو

وبالتوفيق

[medo0o0]

ايوه حمادجي هو حق 10 محفزات و10 عوائق
هو دا الاسامنت المطلوب
بس مني فاهم كيف طريقة كتابتو برضو لازم تكون على طريقة السندوتش ولا كيف
واش قصدك شرح لها؟؟

[حمادجي]

المشاركة الأصلية كتبت بواسطة medo0o0 ايوه حمادجي هو حق 10 محفزات و10 عوائق هو دا الاسامنت المطلوب بس مني فاهم كيف طريقة كتابتو برضو لازم تكون على طريقة السندوتش ولا كيف واش قصدك شرح لها؟؟

هلا أخوي

نفس الحكاية تكتبو مقدمة وانو اي فريق لازم يكون له قوانين تحكمو عشان ينجح وزي كذا

وبعدين تكتبو البروموتورز اللي انتم تتمنوها في الفريق

ومكافآت على كل بروموتر

يعني مثلا قلتو في البروموترز انو الاعضاء يحضرو الاجتماعات دائما في الوقت وفي المكافآت تكون انو العضو اللي مواظب على الحضور باستمرار بنعطيه جائزة رمزية او نعزمو على عشا

وبرضو تكتبو العقوبات وهي باختصار عكس البروموترز
يعني اذا العضو سوا الشي الفلاني تكون عقوبته لابس او اي شي ثاني

وفي الاخير خاتمة

طبعا في الاسايمنت هذا لازم يكون في بالك انو هذا نظام فريقكم وانتم اللي تحطوه بموافقة جميع الاعضاء

ومن تجربتي في المادة هذي انصحك انو انتم جميعا تتفقوا على كل شي وماتخلوا واحد بس يحطها من راسو زي مايبغا وفي الاخير ما يشتغل معاكم لانو القوانين حطها في صالحو

بالتوفيق وانا بالخدمة

[نجران]

كل شخص في التيم يسوي 10 محفزات ( إذا سويت شي كويس ايش المكافآة ) و10 عوائق ( عواقب ) ومو شرط 10 يعني اكتب أكثر من 10 لاتقل عن 10 كل واحدة وبعدين سووا في ورقة ثانية البقل ميثد ثم الأفينتي ثم الورقة النهائية ولا تنسو برينستورمينق يعني فلسفة مناقشة وانكم اجتمعتوا وفكرتوا ..

[hasan.g91]

اهليييييييين اخويا حمداااجي بس بس انا شكلي ووصلت عند اهل الخبره
سلام عليكم اول شي
انا طبعا طالب من جامعه ام القرى وفرضو علينا دي المااده ونحنا تخيييييييييييييييييييييييييييل
لسع تحضيري ياريت مستوى تالت ولا رابع
المهممم
لو تقدر تساعدني في الجورنل المطلوب هو حق الفيرست دآي ميتريل
ترى مرره نحن لا نفقه شياا

[حمادجي]

أهلا أخوي حسن

والله يعينكم في المادة هذي وصدقني راح تستفيدوا منها فائدة كبيرة


أما بالنسبة للجورنال حق الفيرست داي ماتيريال فاعذرني أخوي دورت عندي وما حصلته
لاني ما كنت اسوي الجورنالات

لانو هيا اختياريه عندنا اما عندكم ما ادري هل هوا لازم تكتبوه؟؟


وعلى فكرة كيف نظام المادة عندكم نفس النظام عندنا والا كيف ؟؟ يعني فيه موقع للمادة تنزلو منه ملفات ؟؟

بالتوفيق أخوي وانا بالخدمة

[hasan.g91]

يا هلا فيييك حبيبي
اوكي مو مشكللله تعبتك معايا

اما بالنسبه للجورنلات فهياا اجباريه
ونظام الماده نفس النظام الي عندكم

وبالعكس مصعيبينهاااااا ونفس الدكاتره اصلن مهم عارفين يدرسوها
وما بعطونا حقها يلا مشي حالك وبالنسبه للاشيااء الي ننزلها من النت هيا الشيك لست وكدا
يلا الله يعييين
ومشكور وما تقصر