كلية الحاسب للتخصصات الإدارية

[Paper]

إذا فعلا مهتمين بالموضوع و تبغوا تغيرو الوضع للأجيال القادمة, اعملوا بتشن وراسلو الجهه المسؤلة بالجامعه,
وضحو لهم وجهة نظركم و اعطوهم اسباب و حجج مقنعه -اسباب بعيده عن مبداء "محد احسن من احد" .

هذا اذا عندكم الإرادة الحقيقية, لما نرفع صوتنا و نطالب برغباتنا الوضع يتغير.
في ناس كثير يشاطرون شعورك يا صبا و انا منهم, اكيد -بأذن الله- اذا انتِ او اي شخص آخر تعامل
مع المسئلة بجدية و موضوعية و صبر حيكون في كثير من الطالبات و الطلاب الي يدعومونه و يوقفون معاه.

موفقين ان شاء الله.

[LAYAN89]

بصراحة كلية الحاسب صعبة جداً

ويبغالها شغل وتركيز مرررره

انا كنت ابغاها اول بس الان احمد ربي اني مادخلتها

[صباا]

بايبر الله يسعدك هذا ما كنا نبغي

بس ماني عارفة الاجراءت اللي مفروض اعملها لو عندك خلفية يا ليت

تقولي لي وانا اتكفل بالموضوع واجمع اصوات اللي مهتمين لاني ما في شي منطقي

في ان طلاب المسار الادبي يدرسوا محاسبة وما يقدروا يتخصصوا حاسب

[روووني]

الحاسب اغلبو رياضيات ومعادلات معقده جدا ومرره حيكون صعب على الادبي العلمي ماشيين فيه بالقوه ودول اللي دارسين رياضيات وكيميا وفيزيا اجل كيف بالادبي اللي حتكون ماعندهم معلومات عن اغلب القاعدات الرياضيه والفيزيا والكيميا !!
اما المحاسبه فكلها قانون وامشي عليه يعني معادلات بسيطه لها قانونها وتطبيق مباشر ومو ديك الصعوبه

واللي نفسها فيه تاخد الاي سي دي ال وتاخد دبلوم شبكات وصيانه وحاجات زي كدا وتدرس تخصص تاني يسير كدا عندها شهادات مرره كتيرره في مختلف المجالات

والمسأله ماهي مضاربه مااحد احسن من احد انتو المفروض دخلتو ادبي ولا علمي على اساس طموحاتكم وعلى اساس انو عارفين انو العلمي مفتوح لهم المجال مو زي الادبي محدود

والله يوفقكم يارب

[Mr.ALMOT7]

والله من جد قهررررررر

ظلم على ظلم

نقعد ندرس من الثانوي حاسب وفي الاخير يقولو مافي

فعلا تعليم زي الزفت عندنا

[كارزيما]

طيب فيه تخصص قريب جدا من الحاسب الالي

والاحلى من كذا انه يجمع تخصص الحاسب الالي والمحاسبة بالاضافة لمواد ادارة الاعمال وهو تخصص نظم ادارية فكروا فيه زين وهو تخصص ممتاز بس يبي له تركيز شوي لأنه فيه مواد برمجة والبرمجة يبي لها تركيز وفهم

والخطة الدراسية كنت ابي انزلها من خلال موقع الجامعة ولكن موقع الجامعة في اجازة يوم الخميس والجمعة

[Heba EB]

وعندنا بنآت العلمي يقولوا

ليش مايخلونا ندخل ادارة واقتصآد ؟!!

[Paper]

المشاركة الأصلية كتبت بواسطة صباا بايبر الله يسعدك هذا ما كنا نبغي بس ماني عارفة الاجراءت اللي مفروض اعملها لو عندك خلفية يا ليت تقولي لي وانا اتكفل بالموضوع واجمع اصوات اللي مهتمين لاني ما في شي منطقي في ان طلاب المسار الادبي يدرسوا محاسبة وما يقدروا يتخصصوا حاسب

صراحتا ما عندي خلفية عن الاجراءات بجامعتنا, لاكن المعروف ان بعد ما تجمعي عدد كبير
من الداعمين -الجادين- تبدو تحددو هدفكم -بالإجابه عن التالي مثلا..

من نحن؟

بماذا نطالب؟

لماذا نطالب بذالك؟

الفائده العائده على الجامعه و المجتمع. - اسباب مقنعه.

دعم الطلب من قبل جهات مختلفة, استاذ, عميد, اداري, اعلام...الخ


بعد الانتهاء من السابق, ترسل البتشن الى عدة جهات, كنت بدخل موقع الجامعه بس الأخ ماخذ بريك.

فيك ترسل -مثلا- لرئيسة و رئيس قسم الحاسب الآلي, عمادة الكلية, الشخص المسؤول عن الجامعه ككل.

كمان فيك تشوفي اذا في بنات من العلمي تخصص حاسب بالذات عندهم الرغبة بالمساعده,
يدلوك على الاستاذات "اللطيفات" تقدري تكلميهم شخصيا او عبر الايميل, او ان طالبات الحاسب
يثيرون الموضوع خلال الكلاس, كل قسم بالجامعه يجتمع بشكل منتظم لتعديل و تعميم القوانين و اخذ الملاحظات.

هدفك رح يكون انك تخلي الاستاذات يتكلمو في الموضوع في اجتماعاتهم بغض النظر عن رايهم فيه,
لأن اذا هم بدو يتكلموا عن الموضوع معناه ان اصوات الطلاب بدت توصلهم و امكن تتعداهم
و توصل لأصحاب المراكز الاعلى و الي عندهم قدرة على تغير الوضع.


بعد كذا ما عليك الا المثابره -بدون الحاح لأنه ينفر الناس- و الصبر,
و تضلي تعملي آب ديت للوضع و تكوني بإتصال شبة مستمر مع الداعمين
سواء طلاب او مدرسيّ الجامعه عشان ما ينسوا الموضوع و يحسوا بأهميته.


و بالتوفيق للجميع.