Please help me I want to cry

[.. بيســـان ..]

المشاركة الأصلية كتبت بواسطة زيـــنـــة أنا شخصيا و عن تجربتي أقول لو أخدتو دورة ولا دبلوم كان أحسن لي ، لأنو كـ دراسة أكاديمية ماحبيتو و كتير في مناهج غير مفيدة في الحياة العملية ، يعني من ناحية له مستقبل هوا له ، و لكن كشهادة مو كـ دراسة ، يعني لما تقدمي على وظيفة يقبلوكِ و يفضلوكِ عن غيرك من الأقسام النظرية التانية ، بس هوا بصراحة دراستو متعبة و بجد ندمت اني ضيعت المدة دي كلها ادرس ادب و لغويات و بعد دا كلو ماتخدمني في حياتي المهنية إلا إزا اتوظف معيدة ! باختصار مايؤهلك لسوق العمل، يعني مالو علاقة بالحياة الخارجية ، اقتصاد ، طب ، تجارة ، محاماة ، مايتناول أي مواد مهتمة بـ سوق العمل ، فقط يركز على وظيفتك كـ أكاديمية ! كان نفسي ادخل إعلام بس مافتح إلا قريب ونا قد قطعت مشوار جدا طويل و مافي كان مجال اني أحوّل :(

سبحان الله أخيرا أحد عنده نفس شعوري ،،

فعلا القسم يخدمك كشهادة فقط لكن كدراسة بالمرة لأ
قربنا نتخرج و أنا حاسة اللي أخدته ما بيفيدني بشئ أبدا .. مجرد اتعلمتي ( ثقافة ) انفرضت عليكي
و لمن تتخرجي ما رح يفيدك لا الأدب ولا علم اللغة ( اللغويات ) إلا في حالات خاصة جدا
و زي ما اتفضلت الأخت ..

باختصار مايؤهلك لسوق العمل، يعني مالو علاقة بالحياة الخارجية ، اقتصاد ، طب ، تجارة ، محاماة ، مايتناول أي مواد مهتمة بـ سوق العمل ، فقط يركز على وظيفتك كـ أكاديمية !

كلامك مية مية ..
رحت و قدمت على وظائف و لقيت اللي طالبينو مني غير اللي بأدرسه تماما
مثلا مدرسة ثامر العالمية .. يبغوني أدرس كل مواد الابتدائي بالإنجليزي و أنا ما أعرف
السكرتارية .. برضو أنا ما أعرف شيء في الإدارة

كله اللي أعرفه أدب + لغويات فقط

يعني أنا حاطة في بالي اني اشتغل على نفسي و أطورها حبة حبة حتى تتناسب خبرتي
مع سوق العمل .. ان شاء الله

عموما أنا قررت من اول اني احول لكلية الإدارة و الإقتصاد انتساب
و أشغل نفسي بدبلوم انجليزي .. و لمن هميت و اطلعت على الكتب من صديقاتي
ما حبيت الفلسفة اللي في الإدارة غير كده انا ضعيفة في الحساب .. فتراجعت

[صحيفة]

شكرا لكل الي تجاوب معايا
يعني الي فهمته منكم انو مافدكم كلغه يعني ازا ماكنت غلطانه
يعني انا الصراحة الي سمعته انو يفيد كلغه ومطلوب بس ماادري انتو ادرى من تجاربكم اش رايكم كمان يقولوا انو الي تبغا تدرس لازم تاخد ترم خامس اكاديمي صح الكلام و الالا