أبغى احول لجامعة أم القرى..

[أدري طيبتي غلطة]

لو سمحتوا ابي مساعدتكم
انا طالبة في جامعة الملك عبد العزيز سنة تحضيرية علمي كان حلمي ادخل طب بس للأسف مع السنة التعجيزية حلمي تحطم والنسبة صارت في الحضيض فقاعدة افكر اسحب ملفي واقدم ع السنة الجاية ع ام القرى وادرس سنة طبعا قسم طب لأنوه ما عندهم سنة تحضيرية والكلام الفاضي دا وبعدين ارجع احول ع الملك عبد العزيز واكمل الدراسة<<قصة حياتي
يعني هل ممكن اسوي كذا والا هذي كلها احلام..
أفيدوني الله يسعدكم

[miss-rahaf]

كانك جالسه تقري افكآري ههههههه

انا نفس التفكــير

قلت لو ما انقبلت طب السنه هذي في عزوز

اروح اسجل في ام القرى واجلس سنه ولا سنتين وبعدين عادي احول على عبدالعزيز

وطبعا التحويل مسمووح .. يعني لاتخافي .. راح يوازنو لك المواد .. ممكن تكون فيه اختلافات شويه


بس لا تشيلي هم .. أهم شي ترجعي تدرسي طب حتى لو من جديد ^^

وان شاء الله ياارب يتحقق الى في بالك =)

[أدري طيبتي غلطة]

الله يسعدك سويتيلي شوية أمل مع ان الأحلام كلها تحطمت

[د/ روميو]

السلام عليكم ..(:

انا اشوف لو تكملين هالسنة هنا ..(:

وفي نفس الوقت تقدمين على مركز قياس الاختبار التحصيلي .."لانه صلاحية الاختبار سنة واحدة فقط "

والله يكتب لك الخير وين ماكان ..(:

مع تمنياتي القلبية بالتوفيق والنجاح ..^=^

[لحن الحياهـ]

ماعتقد القدرات يكون معانا على طول ؟
وبعدين كم نسبتكم انتو الموزونه بعزوز ؟؟
عشان انا كمان كان نفسي اسوي كذ1
بس صحبتي بمكه قالت لازم تكون نسبتك بالـ 90 ؟؟
مدري
لو يجي مرره كويس
انا نسبتي 83,19

[لحن الحياهـ]

وفي عندي كمان سؤال؟
لو درست سنه بكليه ابن سينا يمديني احول للجامعه عبدالعزيز بعد سنه ؟

[Heba EB]

ياريـت ماتقرروا أي قرآر حتى تستفسرو وتكون المعلومات عندكم كاملة ..

كم النسبة المطلوبة لجامعة أم القرى للطب ؟

نظام التحويل من مكة لجدة .. كيف وهل هو سهل ، وماهي شروطه ؟

..... الخ من الأسئلة

لاتآخذوا على كلام النآس العايم .. لازم تستفسروا عن كل صغيرة وكبيرة .. هذا مستقبل مو أي شئ


موفقيــن بإذن الله =)

[faisal_alzaeem]

^^^

د.روميو اصلا لو ماختبرت تحصيلي مارح تقدر تدخل علمي..كان حطوها اداري ..لان من شروط القبول في العلمي اختبار التحصيلي

[لحن الحياهـ]

up
up

[د-فوفه]

هلا اختي

اسمعي قصه حياتك مو بعيده عن قصه حياتي فانا نصيحتي لك تكملي مع عزوز وتختبري قدرات وتحصيلي وتاخدي شهاداتك نظام استعاره من عزوز وتقدمي على ام القرى بكداا انتي مع عزوز وامكن تنقبلي لما تنقبلي اسحبي عليهم
بس قبل كل شي استخيري واسالي عن الانظمه هناك والنسب وكل شي بعدين قرري
بس اخر قرار خوديه هو السحب
مووووووووفقه