هذا ما أرسلته اليوم لعميد التعليم عن بعد بشأن نظام التعليم عن بعد الجديد وسلبياته

[Last Hope]

خطاب رائع
بس ياريت يقروه وهذا بس اللي نبغاه منهم في الوقت الحالي
تعبنا من النظام الجديد وسلبياته الكثيره
من اقوى السلبيات لهالنظام المتعسف ...لا يوجد وقت نسترجع اللي اخذناه من الدروس
يعني المحاضره ساعتين واللي بعدها ساعتين واللي بعدها ساعتين , ننتهي الساعه 10 مساءا ونكون مرهقين واذا بغينا نفتح السنترا ونحضر المحاضرات للمرة الثانيه بتستغرق سماعها للمرة الثانيه ساعات زي ساعات حضورك للمرة الاولى
احصل نفسي نهاية هذا اليوم مرهقة ومصدعه وطبعا باحضرها اول باول المحاضرات المسجله لاني ما اضمن السنترا يبقيها لي بعدين وعشان ماتتراكم علي ويكفي تراكم الاختبارات والمنتديات والواجبات خلال الدورة المكثفه
وفوق دا كله , المعلومات ورى بعضها من مادة للثانيه للثالثه , نركز ولا نستوعب ايش ؟
المنهج عند بعض الاساتذة مطلوب منهم يختموه نهاية الدوره المكثفه زي مادة العربي , ختمنا المنهج ومافهمنا الا القليل وماحصلنا وقت نذاكر اللي اخذناها من دروس.
الله يصلحهم بس ,حطوا قرار تعسفي وفاجأونا به بدون ماياخذوا برأينا او يراعوا ظروفنا وخاصتا اذا عندنا دوام شغل