مكافأت الماجستير في جامعات المملكة و في جامعتنا

[نوالول]

انا طالبة ماجستير خلصت المواد الدراسية الفصل الي راح تفاجأت ان المكافاة توقفت لما سألت في الشؤون المالية قالوا خلاص بس سنتين والمدة النظامية حقنا اربع سنوات , مع العلم ان الاحتياج الفعلي للمكافأه في هذه الفترة اكثر لان حنا في مرحلة الرسالة ولازم من الخطابات والمشاوير للتجميع بياناتنا تبع الرسالة .
واهم شي والي يقهر ان الجامعات الثانية بتمشي معاهم المكافأة الين يخلصوا المدة النظامية الي هي اربع سنوات زميلاتي في ام القرى لهم الآن ثلاث سنين والمكافأة بتنزلهم الين دحين
مو قهر
ابغى اشتكي بس لمين وكيف اوصلهم لانهم شافو البنات سكتوا قامو زودها علينا والله حررررررررررررررام هذا........

[نوالول]

يعني ماحد مقهور زي طيب وجهوني فين اشتكي بس ولمين

[روان الغامدي]

الله يسهل لك أمورك كله إن شالله ياقلبي
وإن شالله يرجعو في القرار التعسفي دا ويرجعولكم المكافأه إسوه بغيركم من طالبات الجامعات الثانيه

أعذب التحايا

[نوالول]

شكرا ياعسل

[shada_Ak]

طبعا دايمن جامعه الملك عبد العزيز غيييييير
أأخ بس
الله يكون في عونكم

[fare]

انا اقول لك لانا في جدة
وجدة غير
انظلمنا قبلكم
قطعوا المكافاة بعد سنتين
وتحملنا تكاليف الرسالة وما تبعها من سفريات وشراء كتب وطباعة رسالة وتدقيقها وترجمتها
واخر المطاف
لم نجد لنا وظيفة
ولكن نقول الحمد لله كما ينبغى لجلال وجهه وعظيم سلطانه

[نوره علي]

بعد الانتهاء من الرسالة من حقك الحصول على مبلغ و قدره ثلاثة آلاف ريال طالبي بها

و كذلك كان من حقك سنويا الحصول على 900 ريال بدل مراجع

اسألي و قد يمكنك استلامها الآن

و الله يفرج عن الجميع

[عماد الحسن]

صدقت أختي المستشارة نورة ...

فلو قطعوا عنكم المكافأة فمن حقكم استلام بدل كتب وبدل طباعة الرسالة ،
وهناك أيضاً مبلغ محدد لكل طالب ماجستير هو بدل دعم للبحث العلمي ومن حقه أن يستلمه، وأوصيكم بمراجعة عميد الدراسات العليا و د. احمد عثمان مال /وكيل العمادة للبرامج والتطوير على البريد aomal@yahoo.com
والأستاذ عثمان الغامدي وأكيد يفيدوكم في هذا الموضوع... طبعاً المراجعة من الأب أو الأخ فقط بقسم الرجال.

[يآرب مآخآب من ترجآك]

ايه ناس تتذمر من المكافاه وناس تتذمر من السداد

سبحانو:(