المرشحات لدخول الاختبار العملي فني مختبر كيمياء

[زوجة باسم]

دخلنا الاختبار امس
وايش على اختبار
دخلنا الساعه 9 العملي العضوية
وكانت تجربتين للكشف عنها وحده صلبه ووحده سائلة
انا حليتها الاتنين وراجعت مع الدكتورة المصرية وقالت صح وبعد ما خلصت اختباري مرة ورحت لها قالت عندك وحده صح ووحده خطأ قلت لها انتي قلتيلي الاتنين صح قالت انتي مفيش حد وصى عليكي ؟؟ قلت لا
قالت آه <<< ابوكي يالمصريه حتى انتي تعرفي الواسطة هههههههههههههه

والدنيا شربة ما عندك ما عند جدتي
وبعد حوسسسسسسسسسسسه
خرجنا ورحنا معمل التحليلية وجاتنا تجربتين معايرة
طبعا انجليزي واحنا دراستنا كانت خليط بين الفرنسي والاردو
برضه حسنا وكانت معانا استاذه بتختبر برضه وجلست تترجم لنا من هنا ومن هناك وساعدتنا
وحطت ورقتها على البنش يعني زي قولة اكتبي اللي عندي وانتي ساكته
المهم
بعد الاختبار وحده من قريباتي تعرف وحده من الجامعه
وقلت لها خليها تشوف النتيجه مافيني صبر
وطلعت الصدمة ان الاستاذه دي اللي ساعدتنا هيا اللي من نصيبها الوظيفة
لأنها تسعه سنوات وهي على بند ولها الحق انها تتثبت ؟؟؟!!!!
تتثبت ؟
طيب كان ثبتوها من دون اختبار ؟؟
ايش له تجرجروا 500 مدري 300 بنت من بيتها نظري و35 بنت عملي والنظري قالوا 9 صباحا ويأجلوه ل 2 الظهر وهاتك يا لطعه
والعملي 3 و4 ساعات وقفه الي اتكسرت رجولنا واللي فينا حامل واللي حساسية واللي تعبان بس الحمد لله
واخرتها وظيفة وحده ولا للاستاذه
حسبي الله ونعم الوكيل
صحيح اني فرحت للاستاذة واسمها رفعه
لنها كانت طيبة معانا وما قصرت ابدا
لكن انقهرت من النظام اللي ظلمها 9 سنوات وسواها فينا
وظلمنا احنا ودخلنا في مقارنه مع استاذة ؟
بس اقول الحمد لله خير لنا
انا وغير ي من البنات تعبنا بس من ريحة حمض hcl المركز
انا عن نفسي جاني التهاب وحساسية بعيني ما اقدر افك عيني الا بقطرات
والحمد لله
ما ادري كيف البقية
رائدة المستقبل انا سعيدة اني تعرفت عليكي ودا المكسب الوحيد اللي طلعت فيه بايام الاختبارات اني تعرفت على ناس طيبة وصاحباتي ايام الكلية