استفسار عن التوفل..

[م.عمر]

هذا ملف فيه شرح عن التوفل ومقارنة بين درجات الثلاثة paper-based و computer based والجديد وهو internet based
انا اختبرت قبل 3 سنوات تقريبا في جدة وكانت فيه مشكلة في الكمبوتر
كنت اسمع السؤال خلال دقيقه مثلا في جزء الاستماع ثم اختار الاجابه يمكن في 15 او 20 ثانية ثم اضغط next عشان اروح السؤال اللي بعده واجلس انتظر من 3 الى 5 دقائق الين يجي السؤال اللي بعده
بعض الشباب اللي كانوا معايا كانت الاسئلة تمشي بسرعه معاهم وبعضهم اتعلقوا نفس المشكلة
دخلت الاختبار الساعه 1:45 ظهر وخرجت تقريبا 8 ونص الليل بدون مبالغة وكانت فيه فترة بسيطة 10 دقائق بريك يادوب دورة المياة وصليت ورجعت
بس استفدت من جزء القراءه لانه الجهاز يعلق والمقالة مكتوبة قدامي واجلس اقراها مرة واثنين وثلاثه بتركيز

600 تعادل 100 في التوفل الجديد وهذه درجة عااااالية وصعب جدااااا تجيبيها الا اذا كنتي متمكنه تماما من اللغة
وفي شرط ثاني انه يكون 25 في كل جزء يعني مو تجيبي مثلا 29 في جزء القراءه و20 في جزء التحدث
انا جبت 88 او 570 وانا الحمد لله ممتاز في الانجليزي وزميلي كمان ممتاز جدا في الانجليزي جاب 577
يعني ال600 لاتحلمي فيها كثير

الاختبار كل شوية يصير اغلى زمان كان ب450 ريال دحين اعتقد صار 180 دولار او اكثر

اذا تبغي الاختبار للتقديم لجامعه الملك عبدالعزيز ادخلي الاختبار حقهم اسهل وارخص ب200 ريال بس