تجمع طلاب إنتساب مستوي سادس (إدارة وتطوير وظيفي)

[ضيدان]

التطوير التنظيمي Pad 322 - الحمدلله عديتها الترم الماضي
المادة هذي متطلب لمواد في الترم السابع والترم الثامن
ولا تقدر تدرس المواد هذي بعدين اذا ما درست هالمادة وخلصت منها .. ومن المواد اللي متطلبها التطوير التنظيمي
بالترم السابع مادة التحليل التنظيمي PAD426 ومادة الاستشارات الادارية PAD427 و بالترم الثامن مادة ثقافة المنظمة PAD422 و اجهزة التطوير الاداري PAD429

يعني مهمة جدا المادة هذي ... وتفتح لك المسار بالأترام الجاية ان شاء الله

وبرضه بالنسبة لمادة التخطيط الإستراتيجي Pad 332 راح تكون معاي الترم هذا ان شاء الله
هالمادة متطلب لمادة راح تدرسها بالترم السابع او الثامن واذا ما خلصتها ما راح تقدر تنزل مادة بحث وتدريب (تنظيم وتطوير) PAD492


حطوا المادتين في بالكم زين ....... لا يجيكم ترم ما تقدرون تدرسون فيه الا مادة بسبب انها متطلب

وبالنسبة للموارد البشرية ....... Pad312 حملتها معاي من الترم الماضي
وكتابها فوق 500 صفحة .... وذاكروا من الان من الكتاب ولا تعتمدون على اي ملخص الترم هذا .... ركزوا على الكتب وبعدين تقدرون تراجعون من الملخصات بس المهم تقرأون الكتب وتذاكرون من الكتب .. لا تغلطون غلطتي الترم الماضي في الموارد البشرية .. الكتاب ثم الكتاب ثم الكتاب والله يعين على الكتب وان شاء الله نعدي بمعدل حلو

وبالنسبة لنظم معلومات ادارية pad334 ان شاء الله معكم في هالمادة وسمعت انها سهلة ان شاء الله وقال لي واحد من الزملاء اخذها الترم الماضي انها مادة يبي لها خبرة بالحاسب وبيني وبينكم الى الان ما قرأت عنها شئ لا هي ولا مادة موازنة ومالية عامة pad333

وان شاء الله اللي درس هالمواد راح يفيدنا فيها وبإنتظار اي جديد حول هذي المواد

بالتوفيق ان شاء الله للجميع