ابا اعتذر عن السنه دي كيف؟

[nona1991_]

سلام
هرجتي انو انا رسبت في 3 مواد في الترم الاول
>يعني مافي امل
ولو رسبت في ماده زياده حنطرد من الجامعه ويوقف قيدي
الموهيم:
قررت اني احول ادبي على السنه الجايه
بس ما ادري كيف! يعني لو اعتذرت عن السنه دي يمديني اسجل الترم الجاي ادبي ولا لا؟
لانو فيه ناس قالو يمكن ما تقدري ع الترم الجاي لازم تستني سنه!!

[bint aboha]

المشاركة الأصلية كتبت بواسطة nona1991_ سلام هرجتي انو انا رسبت في 3 مواد في الترم الاول >يعني مافي امل ولو رسبت في ماده زياده حنطرد من الجامعه ويوقف قيدي الموهيم: قررت اني احول ادبي على السنه الجايه بس ما ادري كيف! يعني لو اعتذرت عن السنه دي يمديني اسجل الترم الجاي ادبي ولا لا؟ لانو فيه ناس قالو يمكن ما تقدري ع الترم الجاي لازم تستني سنه!!

وعليكم السلام ورحمه الله وبركاته

ياقلبي انا لمن سألتهم عن التحويل قالوا مافي مادام إنك إختبرتي وحضرتي وأذخت درجه ونزلت

لك ف الأودس خلاص ماتقدري وحتى لو قدمتي ع كليه أهليه مثلا راح تجلس ف معدلك

وتدرسي عندهم أعتقد سنه تحضيريه بحكم إنك ماعديتي المواد ويمكن تدرسيها ع أخر السنه

قبل الشهاده يعني بالعربي مافي بس إنت حاولي تدوري واسطه تمشيكي مع إني ماأعتقد للأنه

مافي واسطه تسوي كذا بس إنتي حاولي وحده من صحباتي راحت للعماده ع أساس التحويل

بس قالولها مافي وحتى لو إعتذرتي عن السمستر راح ترجعي السنه الجايه إن شاء الله

وتدرسي مره ثانيه المواد اللي ماعديتيها وتكملي عادي يعني تدرسي مره ثانيه سنه تحضيريه

علمي الله يعينك ويعين الجميع موفقه غلاي دعواتك

تقبلي مروري

[المحتار الحزين]

قدم اعتذار عند عماده القبول و التسجيل

[bint aboha]

المشاركة الأصلية كتبت بواسطة المحتار الحزين قدم اعتذار عند عماده القبول و التسجيل

برضوا زي ماقلت ماتقدر بس حاولي ياقلبوا وإن شاء الله تقدري بس المشكله انا ماقلت من فراغ

انا سألتهم الله يوفقك غلاي دعواتك

[عميد الطلاب]

الحل النظامي الوحيد إنك تسحبي ملفك وتقدمي من جديد على المسار الإداري السنة الجاية
و ما انصح بهذا الحل إذا كان معدلك الموزون للثانوية والقدرات ما هو قد المطلوب لأنه ساعتها القبول ما راح يكون مضمون

وتقدري تحولي للمسار الإداري بدون ما تنسحبي بعد ما تكملي سنة في التخصص لكن المواد اللي رسبتي فيها بتقعد في سجلك وتنحسب في المعدل التراكمي
يعني لا تحسبي إنه التحويل بيلغي عنك المواد اللي رسبتي فيها

أما بالنسبة للتحويل للكليات الأهلية أو لجامعات ثانية فماله علاقة برسوبك وباللي درستيه وبتبدي عندهم من أول وجديد لكن تقدري تعادلي المواد اللي درستيها حسب رغبتك وحسب شروطهم واللي عادة يشترطون إنه ما تقل درجة عن 70 على شان يقبلوا يعادلوها لكي و هذي الشروط تختلف حسب الجامعة أو الكلية اللي بتحولي لها