طالبات level 4 االسمستر الي فات يدخلو بلييز ..!!

[عـسـل]

السلام عليكم ورحمة الله وبركاته ...


بنات level 4 ممكن مسآعدتكم ياحلوآت ..

انا كنت ليفل 2 وطيروني لليفل 4 ,, طبعآ شي اكيد بيكون صعب عليآ ..

وكثير من البنآت انظلمو زيي ,, روحنا لمعهد اللغه ..عشان نحول لليفل 3 بس مافي امل

يعني لازم .. نتحمل االكتآب الجميل ونطلع عيوننا وحنى مكرسين عليه

بلييييييييييييز ابآ مساعدتكم كيف كان المنهج صعب بنسبه للي كان ليفل 2 ؟
وكيف كانت الكويزات حقتكم ؟؟

ومن فين افهم الفوكابلري واطلع معناه ؟

ابآكم تشرحولي ايش فكره الكتاب سمعت انوا الفوكابلري انتي تطلعينو من مفهومك :(

الله يخليكم لاتبخلو علينآ ...........



عسل ,, !!

[RoOoDy]

اممم باحاول افيدك على قد مقدر
لانو بصرآآحة الترم اللي فات كل الكلاس كان يطنش الاستـآذات و كنـآآ نلعب بالبلاك بيري او الـ اي فون >> ابـوو الفضـآوهـ
المنهج ما كان صعب بس كان ثقيل دم وتماررين كتيررهـ وكلو قروب وركـ
الكويزآآت كـآنت سهلة ممتنعة بس اذا كنتي معـآهـآ بدشهـآ (( شرحهـآ )) راح تحليين
الفوكـآبلري كنـآآ نسالهـآ عن الكلمة اللي ما نعرفهـآآ لانهـآآ سعودية امـآ دحين عندنـآ هندية كل شويه تقولنـآآ القـآموس
يب يب يعني جملة لو ترجميهـآآ كلمة كلمة حتطلع معنى و لو صارت مجمعة بتطلع معنى تاني
لا تخـآفي الاستاذهـ راح تفهمكم اهـم شي لا تستحي تسـآلي

[mnonna]

لفل فور مهو مره صعب زي اي لفل كلمات جديده و كم حاجه جديده
وكلو يعتمد على الاستاذه حقتك
هو البايخ فيه انو اليونيتات مواضيعها شويه ممله
احنا برضو كنا زي رودي بس حايسين ف البلاك بيري وسايبين الابله مع نفسها لانو شويه ممل
واحس الابلات كانوي قدرو مللنا ويسيبونا فحالنا p=
بس المنهج مو صعب ولا اي حاجه وان شاءالله تجيبي علامه كامله

[battota]

احنا التيتشر الهنديه (شفق) سرييعه وتاكل الكلاام ..هههه مره نطقها ما عجبني في الانجلش

[Nouf K.Mahuob]

رودي و منونا انتوا في فرع البنات؟؟؟؟

[سرسوووورة]

مين عندها كتب ليفل 4 ياليت اللي عندها وما تبيه اخذه لو سمحتوا

[RoOoDy]

المشاركة الأصلية كتبت بواسطة nouf k.mahuob رودي و منونا انتوا في فرع البنات؟؟؟؟

نو حبيبي انا بالسليمانية

[غرور فتاه]

يا عسل لا تخافي ولا شي أي ماده مهما كانت صعوبتها إذا ذاكرتيها أول بأول راح تكون سهله

وبالنسبه للفوكابلري الصعوبه بإعتقادي راح تكون بأول شهر بس لأنك حتتعبي لما كل يوم تطلعي كلمات وتحفظيها لكن بعدين راح تلاحظي ان أغلب الكلمات تتكرر معاكي و على قد ما تتعبي في البدايه على قد ما حترتاحي في الأخير ,,

بالتوفيق يا عسل وأشوفك في الكلاس بكرآ إنتي وتومه<<<إن شالله تغيب المس زي اليوم خمس ساعات فاضيين من جد صياعه