لمن أراد تغيير شعبته ؟ ولكن ....

[منافس إلى آخر رمق]

السلام عليكم ورحمة الله وبركاته ...

ماكل يتمناه المرء يدركه ... تجري الرياح بما لاتشتهي السفن

تغيير الشعبة أصبح أمر صعب خصوصا في السمستر الثاني , أنا رحت كلية العلوم كنت بغير

شعبتي في مادتي الرياضيات والفيزياء إلى الدكتورين سعود يغمور وحامد السلمي ولكن

للاسف لقيت الامر شبه معقد وأن الامور قد حسمت تماما والجواب في النهائي في ( جدولك )
وبالتحديد رحت عند الدكتور حامد السلمي علما أنه ( ماسك قسم الرياضيات ومعد الاسئلة )

وسويت نفسي مااعرفه وقلتله : وين الدكتور حامد السلمي أبغى أنقل في شعبته . قال : تعرفه

طيب . قلت : أسمع عن اسمه بس . قال دام ماتعرفه لاتدخل شعبته > كأن فيه غرور شوي

والله اعلم .. المهم قال : أنا الدكتور حامد السلمي واذا تبغى تنقل روح عند الشؤون

التعليمية في الدور الاول وخذ ورقة من وكيل قسم السنة التحضيرية ورح وقعها من عند دكتورك ..

قلت ماعليه ونزلت للدور الاول عند الشؤون التعليمية وكان موجود السكرتير مدري من المهم قلتله أبغى اغير شعبه قالي : أنت سنة تحضيرية . قلت : أيه . وقالي بالفم المليان : ياولدي

لاتتعب نفسك دامك سنة تحضيرية مستحيل تغير شعبتك .

المهم ياشباب اعتبر ان كلامي كافي وننتهي عند هذا الحد . ونتمنى عدم السؤال في المنتدى حول هذا الموضوع وانتم تعرفون الاجابة .. واعتقد حسمت الامور في الجدول ...

والسلام مسك الختام

[Dr-tota]

طبعن اللي عندو فيتامين "و" يمشي حالو زي الحلاوة ... لكن اللي ماعندو الله يخلف علينا ... تروحي لأي مسؤله تكلمك من طرف خشمها لأنو حضرتها ما جبتيلها فيتامين "و"... لا وتسألك جاية من طرف مين ... وكتير بنات أعرفهم نقلوا من شعبة لشعبه دا الترم ... لا وفي السمستر اللي فات بنات نقلوا من خطة لخطة طبعن بالفيتامين "و"...

[منافس إلى آخر رمق]

المشاركة الأصلية كتبت بواسطة dr-tota طبعن اللي عندو فيتامين "و" يمشي حالو زي الحلاوة ... لكن اللي ماعندو الله يخلف علينا ... تروحي لأي مسؤله تكلمك من طرف خشمها لأنو حضرتها ما جبتيلها فيتامين "و"... لا وتسألك جاية من طرف مين ... وكتير بنات أعرفهم نقلوا من شعبة لشعبه دا الترم ... لا وفي السمستر اللي فات بنات نقلوا من خطة لخطة طبعن بالفيتامين "و"...

لو جينا من باب الواسطة طبعا مافيه شك راح يحول ( وقليل من عنده واسطة ) لكن أنا تكلمت من باب الطريقة النظامية جدا صعبة مع أن الامر سهل

شكرا على المرور

[صياد النسور]

الله المستعان

[كامل الاوصاف]

يمديك تغير الشعبه بس لازم الدكتور الي تبغى تروح عنده هو الي يوافق ويساعدك في تغيير لان اذا رحت لحالك مستحيل

[Oxsgen]

التغيير على حسب الدكتوور اذا كان طيب بيحولك واذا العكس بتقعد عنده ,,

في بناات كثير حولوا عندنا بالفيزياء .. بدون عمادة شؤؤن ولا يحزنون ,,

[مهموم والله]

الدكتور حامد السلمي محترم وطيب لكن تحس فيه لحسة شوي كل شوي يتبهلل ههههههه يعني لاتتوقع انه مغرور

بخصوص النقل لشعبة الدكتور حامد السلمي اعتقد امرها سهل وعلى فكرة فيه ثلاث طلاب نقلوا عنده هالترم تعرف كيف ؟؟

ببساطة دخلوا وجلسوا في شبعته وبعد المحاضرة قالوا له نبي نحول عندك قال من عيوني ماعندي اي مشكلة اهم شيء تعرف وين مصلحتك اذا تحس انك بتستفيد عندي راح احطكم في الشعبة وبالفعل وضعهم في الشعبة طبعا بعد مااستأذنوا من دكتورهم السابق واذا بتنقل وتستأذن دكتورك حاول تجيه باسلوب حلو حتى يتقبل منك الكلام ويسمح لك بالنقل

بس صراحة انا استغربت من موقفه معاك يمكن حس انك تتبهلل خصوصا يوم سألته عن الدكتور حامد السلمي لهذا صرفك وخلاك تروح الشؤؤن التعليمية والله اعلم

دُمت بخير

[Life as Game]

ههههه
صادق اخوي لو كل الناس عندهم (واو) كان عالاقل دبرت لي سكن في سكن الطلاب ..كل ما اجيهم يقولوا مافي غرف..
وفي واحد يقول لي دخلت بالواسطة قلت كيف دخلت والغرف مليانة؟؟
قال خخخخ بجنبي اكتر من غرفة فاضية ...<<الله يجازيهم ..

اخوي شوف انت كلم الدكتور حقك وقول له انا ابغى انقل عند الدكتور الفلاني لاني ابغى انظم وقتي لو وفق دكتورك راح يعطيك ورقة وانت تروح تسلمها للدكتور التاني وبس ...بدون عمادة بدون شؤن ..
بالتوفيق لك ..

[غروري ذبحهم]

آلسلآم عليكم ورحمة آللهـ وبركآتهـ ..
صح كلآمكـ مآ تقدر تغير بس آنآ جيت عند دكتورهـ مو كويسهـ في آلفيزيآء وآبغى آروح في شعبة آلدكتورهـ لبنى إللي آبغآهآ فلمآ سآلت عن هذآ آلشيء قآلولي إنهـ آقدر آروح عند نفس آلآستآذهـ إللي آنآ عندهآ وآقولهآ آبغى تشيلي إسمي من عندكـ وآروح عند آلدكتورهـ لبنى بس قآلولي آلموآعيد مآتتغير إنتي تصيري في موآعيد دكتورهـ لبنى ولمآ شفت جدولي مآلقيت وقت لآنهـ آوقآتهآ يكون عندي محآضرآت فمآلقيت حل إلآ إني آترزع مع آلدكتورهـ إللي حطوني عندهآ ..
وبآلتوفيييييييييييييييييييق ..

[د/ روميو]

تغيير الشعبهـ مافي اسهل منه (:

بس انت اتبعت الطريقهـ الخطأ ...-للأسف- ...
لو سالت هنا قبل ...~

اسمع كلام مهموم .....كلامهـ عين العقل ...~

تحياتيـ ...