مشكله التكميلي

[so0os9]

انا عندي 6 مواد تكميلي وانا قالت لي المشرفه انو لو اخذت 4 مواد هذا الترم الترم اللي جاي اقدر اضيف مواد ماستر

بس المشكله انها قالت لي اقل شي لازم تنجحيه في في المواد ان لاتقل عن جيد جدا

وركزت عليها ولا يطوى قيدك
وانا عندي دوره انجليزي للاداب

بس في موقع الجامعه كاتبين ان لايقل عن جيد وضحولي جيد ولا جيد جدا لاني بديت اتخوف من النتيجه من الحين

[lotysweet]

انتي تسألين عن دورة الانجليزي والا عن المواد التكميلية
لو بالنسبة لدورة الانجليرزي لازم تنجحي بتقدير جيد يعني اقل شئ تجيبي 70 من 100

[نوره علي]

أعتقد تقصد أن معدلك العام لا بد يكون جيد جدا

إذا نجحتي بجيد ممكن في مادة وحدة من الست مواد ، غير كذا فعلا ممكن يكون وضعك صعب

بالنسبة للدورة النجاح فيها من 70 يعني جيد

و الله يوفقك

[همس المشاعر]

مواد التكميلي النجاح بكل مادة من 70

[so0os9]

انا اقصد انو المواد ماعتبرفيها ناجحه اذا جبت اقل من 80 لانو الواحد مايعرف كيف ظروفه

[مكافح طموح]

بواقع معرفتي فإن دورة الانجليزي يتم النجاح فيها بالحصول على درجة النجاح 60 واهم شي الحضور

وبالنسبة للمواد التكميلية فالنجاح فيها بدرجة 60 ولكن اهم شيء بعد ماتخلصي المواد التكميليه يكون معدلك 3.75 وإلا راح تتعبي معاهم بعدين

يعني لو جبتي مادة 80 ومادة 90 ومادة 95 ومادة 75 ومادة 60 ومادة 75 راح تعدي لان معدلك راح يكون فوق 3.75

أما مواد الماستر فدرجة النجاح فيها من 70 والتخرج لابد يكون على معدل مايقل عن 3.75 يعني جيد جدا كحد أدنى

وأتأكدي إنه ماراح تنزلك اي مواد ماستر مع مواد التكميلي إلا بعد ماتخلصي مواد التكميلي كلها وبعدها عمادة الدراسات العليا تسمحلك بدراسة مواد الماستر بعد انطباق كل الشروط عليك وهي المعدل في التكميلي مايقل عن 3.75 وتعدي دورة الانجلش وموفقة جهة العمل في حالة العمل او برنت من الاحوال في حالة يثبت انك لازلتي طالبه ولستي موظفه

اتمنالك التوفيق وأنا طبعا اتكلم كذا لأني مريت في هالتجربة والحين ثاني ترم مواد تكميلي ولاتخافي من التكميلي ترا سهل مرة حتى انا جبت معدل 4.92 مع اني ماشديت على نفسي ودورة اللغة جبت 90 مع اني مش ولابد وهذا كله بفضل الله واتمنى اني رفعت معنوياتك وبالتوفيق

[عماد الحسن]

السلام عليكم ورحمة الله ،،، وأشكر جميع الإخوة والأخوات على الإجابات الوافية.

والنجاح بتفوق في الماجستير لا بد منه،،، وأضيف لكم معلومة وهي :
لو رسب الطالب في مادة من مواد الماجستير الخاص فإنه يدفع مبلغ 3000 ريال ليسمح له بإعادتها علماً بأن درجة النجاح هي 70/100 ، بينما في الماجستير العام يكتفي الطالب بإعادة المادة فقط ...والله يوفقكم جميعاً للتخرج بامتياز.

[نوره علي]

بالنسبة للدورة ، ترى احنا يالطالبات قالوا لنا ان النجاح فيها من 70 و ليس 60

لكن بصراحة لما جينا نأخذ نتايجنا سمعت الأستاذة تقول لبنت أنها حصلت على 60 درجة و تجاوزت الدورة على الحافة ، معناها النجاح من 60 لكن قالوا لنا وقت دراستنا أن النجاح من 70 !!!!

و فيه بنات ما اجتازوا الدورة ، الوضع هنا ترى عندنا غير الطلاب ، ما أبغى أخوفك لكن من خاف سلم :)

بالتوفيق

[so0os9]

الله يعــــــــــــين

[so0os9]

تخيلو لليوم مانزل جدولي