ماجستير إدارة الأعمال التنفيذي " ممكن

[ستايل]

مرحبا

حابه انضم للمنتدى هذا الأكثر من رائع وأطرح بعض الإستفسارات واتمنى الرد عليها

أولاً حابه ألتحق ببرنامج ماجستير إدارة الأعمال التنفيذي ولكن إلي عرفتو من ضمن شروط البرنامج وجود الخبره العملية فهل هذا الشرط أساسي لأنو لدحين لم ألتحق بأية وظيفة يعني هل الشرط دا ممكن يحرمني من الحصول ع الماجستير اتمنى الرد من المسئول عن دا البرنامج

ثانياً أنا باقي ليا كم شهر وأحصل ع التوفل في التقديم آيه أكتب

وشكراً "

[عماد الحسن]

حياكم الله في المنتدى أختي الكريمة http://www.skaau.com/vb/member.php?u=102902

ماجستير إدارة الأعمال التنفيذي مفتوح للكل للتقديم ، ولكن عند المفاضلة يركز على القطاعات الخاصة والقياديين بشكل أكبر لأن هذا هو مجاله أصلاُ، وفي المقابل الماجستير التربوي يركز على منسوبي التعليم أكثر من القطاعات الأخرى لأن هذا هو مجاله.أما الخبرة فغالباً تطلب من تقدير جيد ولكن ما سبق ذكره لا يمنع تقديمكم عليه والباقي على الله، .

وعند التقديم اكتبي أصفار أو أي درجة وبعدين أعطيهم الشهادة ولكن الأفضل هو دخول الاختبار في 20/4 القادم في جدة للحصول على 53 درجة، وبالتوفيق.
وننتظر رأي الخبراء في الموضوع.

[ستايل]

ميرسي عالرد " لكن بصراحة ماني فاهمه إنتا بتقول هذا البرنامج بيركز أو بيكون للقطاعات الخاصة يعني الأولوية لهم طيب أنا ماأبغى أضيع الفرصة عليا يعني بالنسبة ليا آيه ممكن أعمل لأنو كمان ماأقدر ألتحق بالماجستير العام لأنو نسبتي 71,59 يعني إلي ابغى أعرفو قد أحد ألتحق بالبرنامج الخاص من غير وجود الخبرة

وشكراً

[ستايل]

آسفه ع التأخير بالنسبة للي بيسألو عن دورات اللغة الإنجليزية إلي أخذتها بأية معهد " أنا درست بمعهد بيرلتز لأنو مافش غيرو بالنسبة لمدينة مكة هوه صحيح ممتاز لكن بالنسبة ليكي مقيمة في جدة يوجد معاهد أفضل ممكن الأخوان تكون عندهم خلفية عنها ويقدرو يفيدوك

وشكراً "

[عماد الحسن]

نعم يوجد طلاب قبلوا في الماجستير التنفيذي يتقدير جيد

ويمكن لكم التقديم عليه في شهر 4 طالما لديكم دورة إنجليزي، ومن المقبولين بحول الله.

[ستايل]

بالنسبة للتقديم عالماجستير الخاص بإدارة الأعمال في 17/5/1431 آيه هوه التقديم في شهر 4 إلي بتقصدو وكمان أنا عارفه إنو جيد ممكن أقدم لكن أنا بسأل عن الخبرة لأنو قبل فترة أتصلت ع الجامعة وقالو الخبرة شرط أساسي للتقديم فأنا حابه أعرف هل الكلام دا صحيح ....؟ لأ

[عماد الحسن]

النظام الواضح بخصوص الخبرة سوف يوضع الأسبوع القادم مع فتح تقدير الماجستير.
وما أعرفه هو أنها مطلوبة لتقدير جيد فقط (في الماجستير التربوي).

[ستايل]

يعني دحين التقديم ع الماجستير إدارة الأعمال التنفيذي في شهر 4 مش 17/5 وإختبار القدرات 19/4 يعني كذا صحيح
اتمنى الرد
وبالنسبة لماجستير إدارة الأعمال الخاص مين قدم أو يعرف أحد قدم من غير وجود الخبرة أو عندو خلفيه عن الموضوع دا من المتقدمين للبرنامج لأنو أنا بصراحة حابه أقدم وماني عارفه لأنو ليست لدي خبرة عملية وكمان بالنسبة لإختبار القدرات مين دخلو العام الماضي يدينا خلفيه عن طبيعة الإختبار

أرجو الإفادة وشكراً "

[ستايل]

بليز عندي إستفسارين واتمنى الرد عليها
1-بالنسبة للتقديم ع الماجستير ادارة الاعمال الخاص متى حيكون عالنت وكمانه اختبار القدرات يعني حيكون التقديم أول على الماجستير او اختبار القدرات وأيضاً بالنسبة في حالة عدم قبولي او اختياري في برنامج الماجستير لايتم دخولي اختبار القدرات

2-بالنسبة للتقديم عالماجستير الخاص هل بيكون مرتين يعني في كل ترم تقديم او بيكون مرة واحدة في السنة

[dime]

اخوي عماد لو تكرمت وش الاختبار الى قلت علية ((في دخول الاختبار في 20/4 القادم في جدة للحصول على 53 درجة، وبالتوفيق )) ممكن التوضيح

وسؤال ثاني شهادة اللغة الانجليزية كم مدة عشان تكفي شهر ولا كم ؟؟

بانتظارك يغاااالي