بخصوص التحويل للإنتظام ( عنوان مخالف تم تعديله)

[توت نونو]

انا جبت معدل 3.81 وابغى احول انتظام ينفع اروح بكرة الاتنين الجامعه واحول ولا لا ؟ لانو مافي تحويل بالنت مقفل؟ ساعدوني ورودو عليا الله يوفقكم

[ميمو مدني]

ايوا طبعا ينفع معدلك يسمحلك انك تحولي انتظااام لازم تروحي وتسألي بفنسك عند العماده واكيد حتلقي جواب..

[smo3]

ياليت لورحتي

تقوليلي وش قالولك

[مزون عابرة]

هذا القسم مخصص للإستفسارات الأكاديميه

ينقل للقسم المناسب

[الأرجوآن]

أنا روحت وقالولي مافي تحويل بين الترمين,,وهذي آخر فرصة لي...ومعدلي زي معدلك تقريبا,, وأفكر إني أعتذر هالترم ><

إن شاء الله قلبهم يلين شوي ويحولونا,,,

قوليلنا إيش حيقولولك ><

[miss sho shy]

مو حابه احطمك بس ماااااااااااااااااااااافي تحويل الا بدايه السنه الجديده
وبالتوفيق للجميع

[بنوته نعومي]

حتى انا معدلي فوق 4 رحت العماده قالولي مافي تحويل هذا الترم ابدا

ان دحين خلصت السنه التحضيريه وخايفه اكمل انتساب ينزل المعدل

حا اقدم اعتذار هذا الترم لانو لو رسبت في ماده وحده ينزل نص المعدل وانا ما اضمن المعدل

يبقى ولا ينزل انا انصحك تعتذري هذا الترم مو عشان شي عشان نسبتك لاتنزل او عدد الساعات يزيد عن 60

[الأرجوآن]

او عدد الساعات يزيد عن 60

يعني لو زاد ما نقدر نحول!!

لأن الساعات عندي 63

وهم قالوا أقصى حد 63 صح؟؟؟

[هدوء الصمت]

المشاركة الأصلية كتبت بواسطة الأرجوآن يعني لو زاد ما نقدر نحول!! لأن الساعات عندي 63 وهم قالوا أقصى حد 63 صح؟؟؟

نفس السؤال ؟؟!!!

بس بليز ارجوان مين قالك انوا الحد الاقصى 63؟؟

لانوا انا مسجله 46 ومكتسبة 48؟؟؟

ومعدلي 3:6,,,

وابغى انزل مواد 6 مواد واحول ,,,

فالو كان 60 ماراح اقدر اخد الا 4 وماراح ترفع المعدل,,,

ولو كان 63 اقدر اخدها وان شالله يترفع المعدل واحول,,,

فبليز بليز بليز الله يسعدك قوليلي مين قلك و طمنيني,,,,,

[الأرجوآن]

المشاركة الأصلية كتبت بواسطة هدوء الصمت نفس السؤال ؟؟!!! بس بليز ارجوان مين قالك انوا الحد الاقصى 63؟؟ لانوا انا مسجله 46 ومكتسبة 48؟؟؟ ومعدلي 3:6,,, وابغى انزل مواد 6 مواد واحول ,,, فالو كان 60 ماراح اقدر اخد الا 4 وماراح ترفع المعدل,,, ولو كان 63 اقدر اخدها وان شالله يترفع المعدل واحول,,, فبليز بليز بليز الله يسعدك قوليلي مين قلك و طمنيني,,,,,

أنا سألتهم في عمـادة القبول والتسجيل ,,يوم السبت روحت ><

وقالولي 63 أقصى حد’’’لأنه هو تقريبا نص الساعات لأن الساعات كلها مجموعها 128,,,ونصها 64,,

وإذا درستي أكثر من نص الساعات ,,مافي تحويل ><

تقدري ترفعي معدلكِ,,,,خذي مواد سهلة وشدي حيلكِ فيها مرررررررررة,,,الترم اللي فااات أخذت 4 مواد سهلة,,,والحمدلله مررررررة إرتفع المعدل ,,

أهم شئ ذاكري مزبوط..ومررة لا تهملي شئ ,,وتوكلي ع ربك...وبالتوفيق ياارب ,,