ممكن رأيكم في الأستاذات ؟

[الانس]

السلام عليكم 00

كيفكم جميعا \ ان شاء الله تمام ؟

نزل جدولي ومن ضمن المواد نزلتلي

تحليل كمي 2 00 مع 00 عفاف عبد العزيز عايد

محاسبه 101 00 مع 00 آمال محمد عوض

ياريت تعطوني رأيكم في هذول الأستاذتين

انا سمعت انه سوزان ابو العينين افضل استاذة تعطي تحليل كمي

وكذلك سمعت انه أستاذة أنيسة تركستاني أفضل بالنسبة للمحاسبة

أنتوا ايش رأيكم ؟

وجزاكم الله عني كل خير
ترى استنى ردودكم 00 ياريت ماتبخلوا علي

[امـــ88اني]

لو اخذتي تحليل كمي مع حاجه عبد الامام كان افضلك وتضمني درجات بسهوله

[رفيعة الشان]

شوفي حبيبتي انا اخذت الترم اللي فات تحليل كمي مع سوزان هي صح تفهم مررررررة
يعني ماتخرجي من المحاضرة منتي فاهمة لكن الدرجات نااااااازلة مو لي بس حتى بنات الشعبة كلهم
خرجت من الدوري الاول مرة واثقة اني رح اجيب فل مارك اخذت 14 من عشرين وبنات معاي كمان 11 يمكن وحدة بس اللي اخذت فل مارك وهي في ابداية تقول انا مثل امكم وح اراعيكم ومرة تحسسك انك طايرة في السما وهي والله لا تراعي ولاحاجة كلو كلاااااااااااااااام وتحب تفشل البنات على بالها تخفف دمها
اصلا هي تقولنا انا اجيب لكم اصعب اسئلة عشان تدخلو الاختبار النهائي وانتو خلاص متدربين على كل شي
خليك مع عفاف في كثير مدحوها وكمان حاجة امام

....
اما المحاسبة
انا مااعرفها امال لكن خذيها مع نهال الجندي تفهم وتعامل ذوق وواجب واحد ولا اثنين اذا مرة من جد الله يسعدها وين ماكانت

[قلبي أماراتي]

محاسبه ماعرف شي عن امال بس رغداء كويسه برضه
بس التحليل الكمي عفاف عايد تمام
وسوزان ابو العينين روعه

[ashi]

انا كنت مع سوزان في تحليل كمي,,رووووعة جدا,,لو فهمتي مرة ,,ما تنسين,,,بس اعتقد كلام الاخت رفيعة شان صح بخصوص درجات,,حتى احنا بنات انتساب للاسف انظلمنا بخصوص الدرجات معاها,,,وانا ان شاءالله براجعها,,

ولكن عفاف كمان كويسة

بخصوص محاسبة,,,انا كنت مع صفية,,ما تفهم زين....خذي مع انيسة,,,رائعة جدا مع اني ما كنت معاها,,لكن سمعت عنها كثييير....لازم تكوني في شعبتها والا ما تدخلك عندها ....


موفقة ان شاءالله....:)ـ

[انثى الورد]

خليكي مع عفاف عااايد انا اخذت معاها تحليل كمي 2 وماشاء الله اخذت الامتياز معاها ..

تركز على الاسئلة حقت الاختبارات وكووووني مره مركززززة معاااااهااااا

بالتوفيق

[ام دنيا]

تحليل كمي مع عفاف عايد شرحها مره كويس وتعطيكي حقك في الدرجات
اما المحاسبه فأنيسه تركستاني شرحها ممتاز وملخصها حلو ولكن في التصحيح مو مره احس مره تدقق وتنقص على كل شئ
والله اعلم

[اه من الجامعه]

انا درستها مع حاجه مرآ عسل واسئلتها نفس التمارين اللي بالكتآآب والله!

بس النهائي حطت الاسئله سوزآن نقصت كثيييييير بسسببهآآ !

محاسبه اخذتو مع نهال مرآ اسئلتها حلوه وتجنن بس من محاضراتها اكتبي معاها وافهمي وربي تنجحي!

وكمان رغدآء وانيسه مرآ حلوين!

[الانس]

أماني 00
رفيعة الشأن 00
قلبي إماراتي 00
ashi
انثى الورد 00
آه من الجامعه 00

الله يسعدكم يارب 00 ماقصرتوا حبايبي
بس أنا انتساب 00 والأستاذه حاجه مانزل أسمها في قائمة أسماء الشعب
في الكمي مافي غير سوزان أبو العينين
نرمين فهمي
وعفاف عايد

00 أما المحاسبة 00 آمال محمد عوض
شريفة علي حسن
أنيسة تركستاني
نهال أحمد الجندي


ياعزيزاتي 00 انا نزلتلي المواد في الأودوس في النتائج الفصلية
والشعب زي ما إنتوا شايفين كلها حمرا
يعني إذا فتح الحذف والإضافة أخاف اني أحذف عشان أغير الأستاذات ويروح علي المكان !

فبإيش تنصحوني ؟؟

ممكن سؤال ثاني 00 ؟
انا درست الإحصاء في العلوم الإنسانية soc 102 في كلية الآداب
فهل يتعادل بمادة الإحصاء للتخصصات النظرية stat 111 ؟

0
0
شاكرة لكم من كل قلبي تواجدكم وتعاونكم

[الانس]

للرفع 00

فينكم ياحلوين ؟