نماذج مراجعة

[naan]

يا دكتورنا الفاضل كلامك صح في طلاب وطالبات غايتهم من مراجعة الورقة التوسل للنجاح بس والله مو كلهم وانا وحدة من الناس اللي لما اعرف نفسي ماذاكرت مااسأل نفسي ليش ما نجحت مو اروح اراجع الورقة
بس في احيان نكون حاللين ومتأكدين من حللنا بس المشكلة مو عشان الاستاذة تبغا ترسب البنت
المشكلة انو استاذة تانية اللي تكون صححت الاختبار
عشان كدا نكون متأكدين انو حلينا على حسب مادرسنا
بس بوجود ستاذة تانية بتصحح على حسب هيا ايش اعطت بناتها هدا غلط وظلم
لانو زي ماانت عارف في استاذة تقول وتنبه على حاجة واستاذة تانية لأ
واستاذة تركز على شي واستاذة لأ
واستاذة تكون نسيت تقول حاجة وفي التصحيح تتفتكر انها ما نبهت عليه وبالتالي ماتحاسبنا عليه اما لو استاذة غير اللي درستنا بتصحح حاتحسبو غلط
وهادي حقيقة مو وجهة نظر
وبالذات في الرايتنق لانها مادة تصحيحها مايعتمد على كتاب او زي المواد التانية ١+١=٢
بل هي مادة تعتمد على اسلوب الاستاذة واسلوب الطالبة اللي عارفتو الاستاذة
وزي ماقالت الاخت زينة انا سمعتها كمان انو بيستخدمو مع البنات اسلوب التطفيش عشان يسيبو القسم بس يادكتور المفروض يكون اختبار قبل ما البنت تدخل القسم لان من جد في بنات داخلين يتعلمو المبادئ بس احنا ايش ذنبنا يرسبو البنات اللي يستحقو مو كلهم ويعطو انذار للبنات اللي يبغالهم تطوير
وبلاش من اسلوب التطفيش
واسفة عالاطالة