محتاجه لمساعدتكم...

[@www@]

السلام عليكم ورحمة الله وبركاته
أنا طالبه في الفرع سنه تحضيريه .. وقدر الله وحصلي ظرف وماكملت إختباراتي
فحابه أسأل متى حيختبروا الطالبات اللي لهم ظروف خاصه ..
علماً بأنه راحت أختي للجامعه وسلمت المسؤوله عن السنه التحضيريه التقرير الطبي وتقبلوا العذر وسألتها أختي متى حيكون موعد الإختبار قالت والله لسى لما دحين ماوصلنا خبر وإحتمال كبير إنه حيكون على بداية الترم الثاني وإذا حددوا موعد الإختبار راح نتصل عليكم .. بس أنا خايفه مايقولولي إلا قبل الإختبار بيوم ومايمديني أذاكر.. فرجآاآءاً اللي تعرف متى حيختبرو اللي لهم ظروف خاصه أو تعرف وحده حاصلها ظرف وماختبرت متى حتختبر وهل هما يتصلوا قبل الإختبار بفتره على أساس إنه الطالب يستعد للإختبار أو لأ .. بليييز ساعدوني والله مررره ماني عارفه إيش أسوي...
"سبحان الله وبحمده عدد خلقه ورضا نفسه وزنة عرشه ومداد كلماته"

[..ريما..]

ياقلبو في الجامعات لاتستغربي منهم شي يمكن ماتعرفي موعد اختبارك الا في نفس اليوووم

لكن انتي استعدي من دحييين


موفقه

اختك : ريما

[@www@]

لااااا مو معقوله لاتخوفيني .. وبعدين مشكلتي أنا ماعرف أذاكر بجد إلا إذا قالولي موعد الإختبار
عالعموم مشكوره ع الرد .. وإن شاء الله أحد عنده خبر يفيدني

[..ريما..]

ههههههه انا مااخوفك قلبو

بس ابغا تداكري من دحين

ابغاك تجيبي فل مارك

[Super amazing]

لاتنتظري منهم شئ ابدي ذاكري من الحين...
وبعدين انتي مره ثانيه كلمهيهم وسأليهم عن موعد الاختبار..
ترى هما مو سائلين عنك..

موفقه,,

[فوارس]

الله يعينك...
بس انتي زاكري أول بأول..
الفوارس...

[@www@]

المشكله ماني عارفه كيف أوصلهم أو كيف أكلمهم وباقي ع السميستر الجاي يومين يعني ماقدر أسأل إلا يوم السبت وأخاف أتفاجئ بقرب موعد الإختبار.. وطبعا المسؤوله عن السنه التحضيريه قالت لاتخافي لانو أختي قبل الإجازه كانت بإستمرار تروح لهم وتسألهم تقولها لاتشيلوا هم إذا أتحدد موعد الإمتحان راح أتصل عليكم فوراً.. وكمان فيه وحده أعرفها تقول حصلها نفس حالتي بس هيا ع السميستر الثاني وأختبروها ف رمضان أو بعد رمضان يعني مرره كان موعد الإختبار متأخر .. والله المفروض يعلنوا في الموقع وينظموا نفسهم .. المشكله أنو أنا طول الفتره اللي فاتت كنت تعبانه وماأقدر أذاكر خصوصاً أنه الماده اللي ماأختبرتها كانت الكيمياء .. والكيمياء بصراحه يبغاله تركيز يعني ماينفع الواحد يذاكره وهو تعبان .. بس الله المستعان .. والله يسهل كل عسير ياااارب ..
وشكراً لك أختي super amazing عالنصيحه ..
الـــلـــه يوفـــق الجمـــــيــــع يــــــآاآرب

[@www@]

المشاركة الأصلية كتبت بواسطة فوارس الله يعينك... بس انتي زاكري أول بأول.. الفوارس...

إن شاء الله أقدر أذاكر قبل مايقولولي موعد الإمتحان مشكلتنا إحنا مانقدر نذاكر إلا إذا حددو لنا موعد الإمتحان وخصوصاً ذحين إحنا ف إجازه والجو مو جو مذاكره أبداً....
مشكوره أخت فوااارس ودعواتكم لي ....