طالبات الجغرافيا المواد اللي نزلت للترم التاني..نقاش نفيد ونستفيد ادخلو

[رورا الامورا]

المشاركة الأصلية كتبت بواسطة ميـــرندا طيب يابنوتات ..بما ان الموضوع نفيد ونستفيد بخبركم عن بقية الاستاذات اللي درسوني وشو المواد اللي افكر اضيفها .. انا تكلمت عن د.ابتسام عواري و أ.ابتسام الغامدي وانصحكم من قلب تاخذون طرق بحث عند د. ابتسام عواري والله محاضرتها حلوة واحسن بكثير من د. فايزة جان << وجهة نظر ... بس انتبهو ترى الترم الثاني مافي اجازات زي الترم الاول يعني ممكن تزيد النشاطات لانها يوم اعطتنا نشاط بس طلبت مننا خطة بحث في اي موضوعم عندنا.. ود.فايزة جان طلبت من بناتها بحث عن موضوع معين اعتقد عن مواقف السيارات عند المدارس وكان صعععععععععععععب..وكمان احنا من ضمن الدروس كان عندنا ادوات البحث العلمي اللي هيا الاستبيان والمقابلة ..الخ ..افتكر قالت لو كان في وقت كان خليتكم تسوو استبانات وتوزعوها على البنات يعني زي تطبيق عملي بسيط الحمد لله ماكان في وقت (: أسألتها موضوعية بس في الدوري الثاني جابت سؤالين مقالي ..قارني.. ..................... وزي ماقالو البنات أ.صالحة عقيلي كويسة مرة في الخرايط وأسالتها سهله موضوعي والمسائل مقالي بس بشرط تكونو مأدبين معاها ولا ممكن تتغير عليكم..بس عموما معاها المادة حلوهـ ..................... ود.عائشة عبد القادر درستني بشرية والحين منزلين لها مادة جغرافية المدن ..اسلوبها في الشرح حلو ومحترمة جدا طلبتنا نشاط جماعي عبارة عن بحوث هيا حددتها وسوت لنا مناقشة بسيطة وأسألتها وسط ومرة جابت لنا سؤالين مقالي..عللي.. بس راعتنا فيها ..................... و ياعسلات انا افكر بإذن الله اضيف الثلاث مواد اللي منزلينها من المستوى الثالث 1-مبادئ المساحة والدراسات الحقلية 2-تطور الفكر الجغرافي<<بنسبة 90% ممكن اتخلى عنها لان اللي تدرسها هذا الترم أ.سلوى حافظ وهيا ماشاء الله تتكلم كثير اذا راقبت في الاختبار مجربتها في السنة التحضيرية..وانا للأسف الأسيف مااعرف احل اذا كانت المراقبة تهرج كثير اروح فيها بس ياريت اللي درستهم يعطونا شوية معلومات عن شرحها وعن اسالتها ونشاطاتها.. ويابنات نصيحة من قلب لا حد ياخذ تطور فكر جغرافي قبل طرق البحث الجغرافي لانه طرق البحث اسهل وفيه معلومات عامة عن تطور الفكر الجغرافي <<المنهج مع د.ابتسام لان د.فايزة درست بناتها شي ثاني ماكانت الدروس زي بعض..يعني انا افكر اضيفها بس لانو في شوية معلومات من الدروس السابقة نفعتني ولله الحمد. 3-نصوص جغرافية باللغة الانجليزية ..................... ومن العام افكر اضيف 1-علم انسان عام 2-ثقافة3 ولو فكرت اضيف من مواد المستوى الخامس والسادس ممكن اضيف 1-الجغرافيا الحيوية<<لانه نازل مع د. ابتسام عواري و أ.ابتسام الغامدي يعني بحاول اخذ عند وحدة منهم ان شاء الله 2-جغرافية مدن<<لانها مع د. عائشة عبد القادر يعني انا يهمني الي يدرسني قبل المادة لان المادة ماخذتها ماخذتها بس مع مين هاذي المشكلة فاحاول الحق لانهم يتغيرون. ..رووورا ونعوومة ياويلكم ياسواد ليلكم ماشوفكم معايا في الشعب ولو شعبة وحده.. وفي النهايه انت تريد وهو يريد والله يفعل مايريد..دمتمـ بود..

اهلن ياأطعم ميرندا في الكون...لا مدام ياويلنا ان شاء الله معاكي خففففففففت منك الصراحة هههههه امزح والله الدراسه معاكي في شعبه وحده تنشرى ياقمر

والله ياعسسسل انصحك تاخدي علم انسان بس اضن للان مانزلو اسم الاستاذه بس نزلو لها شعبتين واتوقع انها مع استاذه منيره الرديعان الصرااااحة دي الاستاااااذه روووعه وأسئلتها سهله
وتطور الفكر مع استاذه سلوى سالت وحده من البنات تقوووول طيبه وانتي دحين تقولي كلامها كتيرررر ودا شي ينرفز الصراحة مااحب كدا
ونفسسسسي اخد مع دكتوره عائشة مررررررره بس اخاف دي المواد يحذفوها لنا او يعملولنا قلق عشان من المستوى السادس وهيا ماسكه شعبه وحده بس..وان شاء الله الترم الجاي تنزلها ماده واخدها معاااااها على طول
والجغرافية الحيوية انا حطيتها في جدول مبدئي عملته قبل الحذف والاضافه مع استاذه ابتسام الغامدي الشعبه اللي من 11:12.20 ونصوص جغرافية برضو وحده من البنات نصحتني اخدها وقالت ارتاحو منها واستاذتها كمان كويسه
وكنت مفكره اخد مع دكتوره هند المشاط اشكال سطح الارض بس البنات مرررره مامدحوها ليا فا بطلت اخدها
وطرق البحث الجغرافي مانزلوها لدا الترم اكيد راح ينزلوها للترم الجاي واخدها ان شاء الله
ومبادئ المساحة والدراسات الحقلية راح اخدها مع خيرية لانها هيا الوحيده اللي تدرسها دا الترم وحاطه يدي على قلبي بس متوكله على الله لاني سمعت من البنات انها شويه تقعد الامور وعصبيه
ودي صورة جدولي المبدئي قوليلي رايك فييييه لانه اكيييييد يهمني..