اشلون انام الليل ولمين اشكي حالي؟؟

[بنت شيوخ>>جده]

السلام عليكم ورحمة الله

مدري اقول صباح الخير ام صباح التعاسه

رايتنغ 1 للمره الثانيه ونسبه عاليه من الرسوووب وسمعنا انو رئيسة القسم استاذه رندا بنفسها تقوم بمراجعة اوراق الطالبات وتدي الطالبه نص الدرجه الممنوحه لها من استاذة الماده الي متى وربي حتجن قسم الطالبات على هذي الطريقه؟؟؟ وربي دمار بعدين والله استاذة الماده الي درستني هي نفسها لا تعرف الجمله الصحيحه من غيرها والدليل كان عندنا تكليف نكتب مقال عن الصداقه وهي الاستاذه بدأت وكتبت المقدمه وبعدها قالت كملوه وجيبوه الحاضره الثانيه ويبدو لي انها نسيت ما كتبت وجلست تطلع اخطاء كثيره في المقدمه والمصيبه هي الي كتباها في المحاضره الي قبل بس نسيت وخوفت اقلها ترسبني بس خاب ظني ورسبتني فهل هذي استاذه قادره على تصحيح الاوراق ؟؟ياعااالم ليش هذا التدقيق في الرايتنغ والله على كذا ما يمشي الحال انا خلصت الادب واللغويات وشوي من متطلبات اللغويات ولسى الرايتنغ ومتطلباته مناهج وترجمه ..

وبعدين الصيفي فقط للطالبات التخرج وشعبه واحده لكل ماده ما الحل فقط الي تناسب مادة الدراما ومناهج بحث بس دحين كيف ننزل مناهج وكلنا حملنا رايتنغ 1 ياريت كان رايتنغ 2حتى ؟؟

[me 4 islam]

اهلين بنوته
لا تشكيلي ابكيلك
الحال من بعضوو
اخدت فيلو اف الترم اللي فات مع منى البلوى
ودحين مع مس شادن
الله يستر
هيا نزلت النتايج؟
انتي مين استادتك؟
موفقه باذن الله

[lovely aroma]

اشكي حالك لربك
حسبي الله ونعم الوكيل
حسبي الله ونعم الوكيل
حسبي الله ونعم الوكيل
الله ياخذلنا حقنا منهم بما يشاء ا ذا مظلومين

[lovely aroma]

اختي اكيد اف لاا تتعبي حالك تفكي النتيجة

[بنت شيوخ>>جده]

مع مس ابرار مجددي ايوى نزلت دحين

[ليمونه]

طيب انا اخدت اف برايتنق تو طيب ابي افهم شلوووووووون نجحت في رايتنق ون اذا مااعرف اكتب ليش الحين حاطيلي اف برايتنق توووووووو وربي شي يقهر خلاص احس نفسي ابي افطس اف برايتنق تو هذا ونا 3 سنوات وانا ادرس شنوو مااعرف اكتب العن اشكاااااااااااااااااااااال ابليسهم وربي اكتب زين بس ليش الاف مدري لعنها من ساعه يوووووم دخلت انجلش وربي لو مو بقيلي سنه واتخرج كااااااااااااان حولت انتم عارفين كل يوم ا صحى العن بالقسم هذا الف لعنه غالغمووووووووم خلاص خلني اسكت عصبت وموقفه انشاء الله وشكلنا مطولين في الجاااااامعه الله يعديها على خير بس

[lovely aroma]

انا زيك نجحت في ون بعلامة كويسة
وحسب المخطط الجديد رسبت
اصلا اقسم بالله اني عارفة برسب لانه باين من حكاية الاوراق اللي لازم تمر على رئيسة القسم

[attractive girl]

صباااااح التعاسه صدق
الناااااااااس كلهااااااااااا ناجحيييييييييييييييييين الا بنات الرايتنق
حسبي الله ونعم الوكيل
ياناااااااااااااااااااااااس انصفونااااااا
هل الغلط مننا ؟
ولا من الاساتذه؟
ولا من رئيسه القسم؟
هل يحق هاذا من الله نجيب في الادب درجات حلوه
واللغويات برضو والمواد الصعبه
واخيرانحمل الرايتنق لعدة مراااااااااااااااااااات
والله حرااااااااااااااااااااااااااااااااااااااام
والمشكله انو متطلب لكثير من المواد
شوفولنا حل بليييييييييييييييييييييييييييييييييييييييييييييييي يييييييييييييييز

[قلم سائل]

الاخت بنت شيوخ اسمعي مني ها الكلام واتمنى ان تعملي به وان شاء الله يكون مخرج من ورطتكم هذه
اجتمعن كلكن اللي في شعبتك وراجعن رئيسة القسم واشرحن لها الوضع اللي انتم فيه ؟؟؟؟؟؟؟؟؟؟؟؟
واذا كان برضه ما فيه تجاوب منها ؟؟؟؟؟؟؟؟؟؟؟؟؟؟
للمسأوله اللي اعلى منها ......................
واذا كان الوضع كذالك ............................
اطلبو من مدير الجامعه النظر في موظوعكم هذا لعل الله يهديه
وان شاء الله تنحل المشكله من رئيسة القسم
والله يعينكم

[رويده عباس]

أيش تكتبون في الرايتنغ؟

الأستاذة تحدد لكم مقالات ولا لا

بعدين كيف طرقة مذاكرة الرايتنغ

والله خوفتوني بدرسها الترم الجاي ان شاء الله

[majed99]

الله يجيركم في مصيبتكم ...................

[naan]

هاااااااي انا كمان عندي في الرايتنق احلللللللللللىF بس اناااااااا غير انا ماكتبت اسمي عالورقة ولا رقمي الجامعي ورحت اليوم على اساس اقابل استاذتي بس مالقيتها دخلت لدكتورة رندا وقلتلها اخدت اسمي ورقمي وقالت اتأكد من مس رشا واكلمك وعلى العموم راجعينا الثلاثاء عشان لو كانت هادي درجتك تشوفي اغلاطك تتوقعو هادي درجتي مع اني متاكدة اني حالة ودرجاتي كويسة مرررة في الدوري ايش رايكم يكون ماصححو الورقة؟؟؟

[بنت شيوخ>>جده]

يا عالم شعبتي ولا مره شوفنا درجاتنا لانو لما روحت لها بالمكتب طلعت لي الملف وتقولي شوفي كيف شكل الملف مره مطعج من كتر ما كل يوم اخد ورقتين واصلحها ..يعني في اليوم الواحد على حد قولها تصلح ورقتين شوفوا التجقيق كيف ؟؟ولا درجه شوفناها ودحين لنهائي الثلوث نختبر والسبت تطلع ماشاء الله لحقت دي المره تخلص بدري؟؟

[attractive girl]

ياعااااااااااااااااااااااالم نشتكي لمين السمستر الي فات درستنا استاذه ماليزيه ونجحت ناس مايستحقو النجاح ورسبت ناس برضو مايستحقو الرسوب وش هالاستهتار لازم يكون فيه حل لهالموضوع ورحنا كلمنا وكيله الكليه وقالت اكتبو معروض واكتبو اسمائكم وماصاااااااااار ولا شيبليييييييييييييييييييييييييييييييز دكتور محمد شوفلنا حل الماده دي بتعطلنا

[بنت شيوخ>>جده]

معاكي حق بس ان شاء الله املنا في دكتورنا محمد كبير يارب يشوف الموضوع من جهته ويساعدنا في وضع حد للموضوع

[attractive girl]

المصيبه هالماده بتعطلنا بليييييييييييييييييييييييز نبي حل
نبي نخلص ونفتك

[بنت شيوخ>>جده]

شوفوا الفرق بين اسئلة البنات والاولاد ياعالم احنا بس مقال طوال الدوريات والامتحان النهائي

المشاركة الأصلية كتبت بواسطة مورولا السلام عليكم ورحمة الله وبركاته تم بحمد الله اختبار مادة 213 wriiting د.سيد إحسان 25 سؤال اختيارات 25درجة سؤال تصحيح قطعة 5 درجات السؤال الاخير 10 درجات عبر عن why i love holidays or المواصلات في جدة نسيت الثالثة بس لها علاقة بجدة

*

المشاركة الأصلية كتبت بواسطة esraa writing 216 اختبرنا الحمدلله كانت الاسئله كويسه وخفيفه وجانا موضوعين: 1-مقارنه بين مطعمين 2- وصف المدينه اللله يوفق الجمييع

ليش احنا اصعب والدرجات كلها على مقال فقط؟؟ما عندنا اسئله منوعه؟؟ ليش الظلم وليش احنا مو زيكم ؟؟ بليز نبغى جووواب وبعدين موضوع واحد اجباري نكتب عنه
والله درجاتنا عاليه في الادب واللغويات وباقي المواد مو حرام ننظلم في هالمااااده

[شهد الفيصل]

نشكي همـــــــــــــــــــــــــــــــــــــــــــ نا لله سبحانه

زميلتي للمرة الثالثة على التوالي حاملة رايتينق 1!!!!!!!!!!!!!!!!!!!!!!!!!!!!!!!!!!!!

[بنت شيوخ>>جده]

ياويلي انا حدرسه للمره التالته شكلي بتخرج بعد عشر سنين من القسم

[شذى الوادي]

اتوقع والله اعلم لو جبنا امريكي تخصص لغه انجليزية حيطلعولوا الف خطاء في الكتابة المشكلة هم مش متفقين على شيء واحد يعني على سبيل المثال الرنون والفراقمنت تحصليها عند كل استاذة شكل ثاني