سددت رسوم التسجيل برقم طلب [ مختلف ] أبي الحل تكفون !!

[مـاجـد]

السلام عليلكم


شباب الله يخليكم ابي حل لموضوعي
سددت رسوم التسجيل في جامعه الملك عبدالعزيز 3000 ريال برقم مختلف عن رقم الطلب حقي !
الاختلاف في الرقم الاخير فقط

شيكت قبل شوي عن طريق " سداد "

رقم الطلب اللي أخطيت فيه يقول [ رقم الفاتوره غير صحيح ]
ورقم الطلب تبعي ، طلعت رساله يقول مطلوب 3000 ريال غير مسدده

يعني الواضح مافي طلب أنتساب على الرقم اللي أخطيت فيه
والسداد تم عن طريق صراف


أيش الحل ؟!


.


.

[SAIS]

اذا كان يقول ان الرقم اللي مسددة غلط هذا يعني ان دراهمك في الحفظ والصون ولم تذهب عليك .....

مع ملاحظة اني مافهمت اللي تقول يعني هل خصمت ولا لا

ووشلون يكون الرقم خطاء والمبلغ مخصوم .. يعني وين راحت القروش ؟؟

انت وضح السالفة علشان يوضح الرد

[نمر من النمور]

اتصل على رقم مجاني البنك .. خدمة العملاء

قله باللي صار معك .. وهو إن شاء الله حيساعدك

[مـاجـد]

Sais

أي نعم خصم مني مبلغ 3000 ريال من حسابي
السداد كان عن طريق صراف


طلبت قبل شوي كشف حساب عن طريق البنك
وحصلت المبلغ المخصوم برقم الطلب " اللي أخطيت فيه " !!

[مـاجـد]

المشاركة الأصلية كتبت بواسطة نمر من النمور اتصل على رقم مجاني البنك .. خدمة العملاء قله باللي صار معك .. وهو إن شاء الله حيساعدك

أتصلنا عليهم
يقول الموظف لازم ترسل فاكس لادارة الجامعه وهم يسترجعونه :)

الغريب من هذا كله
شلون قبل اصلا الصراف ورقم الطلب خطا ؟!

بعدين مدون في موقع الجامعه نفسه رساله مخوفتني شوي
اللي هي هذي !

سيتم سداد رسوم الدراسه برقم الطلب ( لذا يرجى الاحتفاظ برقم الطلب ) و يتحمل الطالب كافه المسؤليه المترتبه على السداد برقم طلب لا يخصه

في أمل يسترجع المبلغ ؟

.
.

[ونيم 1985]

ان شاءالله يا اخي في حال
بس اعتقد الاولاد بيفيدونك اكثر مني
انا الي اعرفه انه الصراف بتكتوب في الورقه انك اودعت مبلغ 3000 لحساب كذا برقم جامعي كذا
انت راح ترسل لهم الورقه هذي وهم يعدلونه لك

[نمر من النمور]

طيب حاول تتأكد إنت الـ 3000 ريال دي وين راحت بالضبط

[مـاجـد]

المشاركة الأصلية كتبت بواسطة نمر من النمور طيب حاول تتأكد إنت الـ 3000 ريال دي وين راحت بالضبط

اتصلت على البنك يقول دخلت بحساب الجامعه


طيب يا أخوان
لو ارسل فاكس واسجل فيه رقم الطلب الصحيح
ورقم الطلب اللي الخطا اللي سددت عليه

يقدر يحولها رقم الطلب حقي ؟!

[نمر من النمور]

6592000

هذا رقم الجامعة
حيعطيك التحويلة اللي إنت تبيها

خذ تحويلة عمادة القبول والتسجيل


أتصل عليهم بكرة الصباح ... وقلهم باللي حصل لك .. والبنك يقول إن المبلغ دخل في حساب الجامعة

وهما إن شاء الله يحلوها لك


او إذا كنت من جدة


تروح لمبنى عمادة القبول والتسجيل الدور الثاني

في مكاتب خاصة لمراجعة المنتسبين ... بإمكانك تروح لهم بكرة الصباح

[SAIS]

ماجد ....

لا يضيق صدرك انا فهمت الموضوع وابحاول اشرحة واقولك السيناريو اللي صار معك ........ تمام


انت مسدد عن طريق المكينة والمبلغ خصم من حسابك وانت حطيت رقم الطلب بالغلط وبالرغم انه خطاء الا ان المبلغ خصم من حسابك وراح للجامعة واعطاك مايفيد ان الرقم المدخل خطاء ............. صح

ياقلبي ياماجد (يابعد كل من طب الرياض ولا طلع منه ) اللحين انت قروشك ماعليها اي اشكال اودعت في حساب الجامعة بالرقم اللي انت حاطة ويسمى رقم مرجع او Reference كل المطلوب منك تكلم الجامعة او ترسلهم وتعطيهم رقم الطلب الصحيح والرقم الخطاء ومايكون الا كل خير ............ وسلامتك