نصاااايح

[سيسيليفينيا]

يلا انا بقولكم , وانتو كمان قولوا لنا نصايحكم , رزان كنت ابي ارسلك ع الخاص عشان دا الموضوع بس للاسف
طلعت عندك ملغيه لكن كويس انك فتحتي الموضوع ,,,
الماث ,,, كلو اخذناه في الثانوي بس يختلف انو بالانجليزي يعني لازم تعرفوا المصطلحات اللي بالانجليزي
ولازم مذاكره اول باول لاتهمليها حاولي في اقرب وقت تراجعي اللي اخذتيه عشان تتثبت
وحلي الا سئله نهايه كل باب لا تراكميها عليكي حليها اول باول ويجي منها كثير في الاختبار
يعني بصراحه لاتشتتوا نفسكم بالملخصات في الماث مو محتاج الكتاب واضح واسئلته شامله

الفزكس ,,, نفس الشئ مذاكره اول بأول والملخصات بس انصحكم في 3 الابواب الاولى
تجي من الملخصات لكن بقيه الابواب ابدا ماانصحك وخذيها من مجرب الدوري الثاني ذاكرت من ملخص
وجبت درجه سيئه , واسئله دكتوره ثريا تعتمد على الفهم , والسكاشن مااقولك يجيبوا منها لكن استاذه
السكشن تفهمك الباب يتكلم عن ايه والتشيك بوينت مره مهم يفهمك ايش هوا بيتكلم عنو وحتى لو الدكتوره حلت
معكم التشيك بوينت خلي استاذه السكشن تحلو معك لانهم يفهموكي احسن.

الحاسب ,,, الاختبار العملي مايحتاج سهل ان شاء الله
الاختبار النظري ,, اللي تشوفيه كلام كثير اقريه قرايه لانو يحبوا يجيبوا من العملي بس اهم شئ المصطلحات
الانجليزيه تكوني عارفتها ,

الاتصال ,,, ان شاء الله a+ كلو حفظ التعداد والتعاريف والباقي افهميه ,,,, وبالتوفيق لكم