لاهنتوا اللي عنده خبرة يدخل

[حياتي لله]

المشاركة الأصلية كتبت بواسطة طالبه اسلامي السلام عليكم ورحمة الله وبركاته صباحكم //مساكم رضا من الرحمن الف مبروك للناجحين ... وحظ اوفر للي حملوا مواد وربي يسهل لكم انا جايه اليوم ابغى اسأل عن تخصصات الجامعة للمسار الاداري بصراحه اطلعت على تخصصات مافهمت من اسمائها شي ياليت اللي يعدي يشرح لي عن كم تخصص بكتبها التخصص الاول :ادارة عامة مسار تنظيم وتطوير اداري هذا المسار بعد ما ادرسه وين يكون توظيفي في ادارة مدارس وزي كذا ؟؟ كمان عندي ادارة اعمال مسار نظم معلومات اللي سمعت عنه ان نظم المعلومات تخصص في الحاسب اش اللي جابه في ادارة اعمال ..عموما اش طبيعة دراسته .. وكمان ادارة عمليات والجودة بصراحة دارت عيوني يوم قريته اش يعني وين اتوظف ؟؟؟ كمان تخصص الانجلش حاطين مسارين مسار لغة ومسار ترجمه اللي افهمه انوا الترجمه تلزمني يكون عندي لغة يعني لازم ادرس مسار لغة وبعدين اتخصص ترجمه كمان قسم الاقتصاد المنزلي اذا درست اقتصاد منزلي تربوي وين اروح بشهادتي قسم دراسات طفولة هو نفسه رياض اطفال ولاغلطانة قسم فنون اسلامية تربوي اش يقصدون فيه وربي كلام غريب اسمعه عذرا على الاطااااالة بس من جد حيروني جزاكم ربي الجنة

و عليكم السلام يا قمر..
أوضحلك بالترتيب..
أولا: التنظيم و التطوير الإداري.. ما أعرف عنو شيء..
ثانيا: نظم المعلومات في بقسم الحاسب و كمان في الإدارة.. صاحبتي فيلو تقول مررررررة حلو بس يبغالو شدة حيل ’ و كل موادو بالإنجلش.. ما أبغى أقولك إيش يدرسوا فيه عشان مو مرة متأكدة من معلوماتي فأخاف أخبص عليك..
تالت شيء: إدارة عمليات و جودة .. بابا درسوا وهوا دحين يشتغل يروح مستشفيات مباني و يشوف فيها كووول أسس الجودة و السلامة و زي كدا يعني..
رابعا: و بالنسبة للإنجلش فأبشرك لسه ما فتحوا قسم الترجمة.. يعني مافي إلا آداب و بس..
خامسا: إقتصاد منزلي تربوي ما أعرف عنو شيء..
سادسا: دراسات الطفولة هوا رياض أطفال بس بتوسع أكتر..
سابعا: و برضوا فنون إسلامية.. مأعرفوا..
و يا رب أفيدك و تكون معلوماتي صح..