هام لمن تريد تعديل درجة الإنجليزي

[نيكييتا]

طبعا لاحظت انو الكل من امس ويقولو رح نجي ونراجعهم لكن اليوم لما جيت انا وصحباتي بصراحة انصدمت لأنو العدد الي حضر ينعد على الأصابع

كيف تبغو تعدلو وانتو ما تبذلو جهد ؟؟؟؟

انا وصحباتي من يوم ما عرفنا الدرجات ونحن مرابطين عند مبنى 40 وقدام مبنى 1

وما استسلمنا ... لأنو هذا الإف رح يأثر على شهادة تخرجنا ولما نقدم شهادتنا لمراكز العمل ويشوفو الإف ماراح يقولو حرراااام والله ظلموكم

نحن لازم ندافع عن حقنا .. والبنات الي رضيو بالظلم فضلا عن انهم ضعيفات ( اعتذر عن اللفظ ) وكمان ينطبق عليهم القول الساكت عن الحق شيطان أخرس

نحن ليش نسمح لهم يظلمونا ؟؟ لا وكمان نسكت لهم ؟؟

بنات ... عني انا وزميلاتي رح نتواجد بكرا في مبنى 40 قدام غرفة الإجتماعات الي كانو يواجعو فيها اوراق الإختبار الدوري الثالث ... رح ننتظر هناك لحد الساعة 10 ونص

على امل اننا نلقى بنات متجمعين ... لأننا اليوم انتظرنا للساعة 10 وعدد البنات هناك ما وصل 20 بنت ..

لا وتقولو انحنا ما نعمل شي ؟؟؟

انتو الي ما جيتو وجريتو ورا حقكم ....

اذا كانت وحدة هنا في المنتدى جات اليوم ياريت تحكي للباقين ... كيف رحنا وانتظرنا دكتورة بادية ... وبعد الأجوبة الرهيبة الي اعطتنا رحنا عند العميدة ...

والصراحة لو قلت انو عدد البنات الي كلمو سكرتيرة العميدة معايا ومع صحباتي كانو 15 رح اكون كذابة


طيب الحين بعد الكلام الكثير رح تسألوني شو الملطوب ؟؟؟

المطلوب يا حلوات تجمع كبير بكرا لطالبات السنة التحضيرية بسبب مشكلة درجات الإنجليزي

واقصد بكلمة تجمع بنات يعني مو تجي 2 ولا 3 بنات

انتو مظلومين ... وعدد قليل ما يعمل اي تأثير عليهم .. بإستثناء الشفقة من بعض الأستاذات

احنا هنا لنا الحق ... يقولو راجعو قسم الطلاب .. طيب البنات الي ماعندهم احد يراجع لهم هناك ؟؟

حقهم يضيع ؟؟؟ احنا لازم نطلب حل فوري ..

وربي مافي وحدة سألتها كيف درجتك الا وتقول احس اني مظلومة فيها

وبالمقارنة مع شطر الطلاب الطلاب تقريبا كلهم ناجحين وبدرجات حلوة ... طيب احنا ؟؟؟

امكن الطلاب حسبو لهم بطريقة غير طريقتنا ؟؟ طيب يحسبو لنا بنفس الطريقة وينجحونا ولو بـ60

يا بنات .. اطلب منكم وببساطة تحضرو بكرا .. رح يقفلوها بالبداية في وجهكم لكن المفترض ما تستسلمو

هذا حقنا ... ولازم ندافع عنه ...

رجائاً احضرو .. مو عشاني ... عشان حقكم درجاتكم تعبكم وكل الأيام الي جيتو فيها مواصلين عشان كويز ولا بريزنتيشن ولا رايتنج

في هذا الموضوع اتمنى كل بنوته حلوة ارادتها قوية ورغبانة توقف في صف المظلومين ( احنا كووولنا ) تحط لنا رد انها رح تكون جاية بكرا

وانا رح اتابع الموضوع لما الساعة 8 بكرا الصبح و حتى لو بعدين ماقدرتي تجي برضو نزلي رد انك ماراح تجي

عشان اقدر اعرف العدد التقريبي للبنات الي رح يجو

بلييييييييز اتمنى انو كل الي يقرأ هالموضوع يقرر وبشدة انو يجي عشان لازم نوقفهم عند حدهم

انتظر ردودكم و تسجيل حضوركم بكرا معايا

^ _ ^

[ميعاد]

اذا ابويا واافق حجي ان شاءالله وحكلم صحبااتي ان شاءالله كماان يجوا..

حتى انا اشجع انو نتجمع عشاان ياارب تتغير..

صح تعبنا وقدرنا نضمن درجاات من الاستاذات فالاخييير يلغووها لييش., حسبي الله عليهم...!!

[soso1111]

يابنات كلام أختي نيكييتا صح لو إحنا ما تكلمنا دحين متى راح نتكلم ؟
إلى متى راح نسكت على الظلم هذا ؟
بليز يابنات خلينا نشجع بعض و نروح بكره ونتجمع زي ماقالت نيكييتا
لا تقولو ماراح يسو شي لانهم لو شافو العدد كبير راح يحسو شوي فينا.
أنا أقترح نقلهم يحطو 50% من أعمال السنة ترى راح ترفع الدرجة .
و جزاكم الله خيرا

[احساس طفل]

اختي اضم صوتي لصوتك وكل وحده بامكانها تروح ماتضيع الفرصه على نفسها ويعتبر حضورها
مساهمه لعدد زيادة الطالبات لعل وعسى نحظى منهم بنظرة رحمه

<اتمنى وبشده ان اكون مع قافلتكم ولكن اجد صعوبه في المواصلات في الوقت الراهن :(

[فاطِمه]

قلبي وياكم .. :(
للأسف أنا مو من جده ,, وإلا كنت اول وحده في المبنى ....
أتمنى لي ولكم التوفيق اخواتي ..
والله فوق كل ظاااااالم .. وبناخذ حقنا يارب :)
سلام ...

[نيكييتا]

مشكورة على التفاعل وجزاكم الله خير

سمعت خبر انو وكيلة مركز الإنجليزي عقدت اجتماع اليوم من الساعة 12 الى الساعة 3

عشان تناقش درجات الإنجليزي

هذا غير اللجنة الي عملتها عميدة شطر الطالبات لمناقشة المشكلة

ويارب يارب يارب ولو ننجح كلنا ولو بـ 60

انتظر تفاعل بنات جدة ....

[ميعاد]

^^^^^^^^^^^

منجد يااارب يااارب يااارب, يسييير فييه تغيير..

والخبر يكووون صح..

يالله..

[بنت ناس واللقب الماس]

انا اليوم رحت الجامعة ابغى اراجع درجاااتي بس مالقيت الدكتورة بادية ..
بس امس كنت اكلم الاستاذة تبعت الانجلش وقالت لي لو 200 طالبة من 1000 قدمو شكوا .. ممكن انهم يغيرو شي حتى لو مو في درجاتنا بس في الترم الثاني ممكن يغيرو من طريقتهم ..
فيااااليت الي تقدر تروح ..
والله حراااااااااااام عليهم .. ماادري ليش هالف والدوراااان
كانو خلو كل وحدة تختبر كتابها وخلصنا
بس ماا اقول غير حسبي الله ونعم الوكيل

[بدور القوافي]

يابنات انا بعد بروح بس انا من خميس مشيط بمشي باكر يوم الخميس علشان اروح للجامعه يوم السبت من بتروح معي
ترسلي

[غرور فتاه]

مشكوره يعطيك العافيه انا بصراحه رحت اليوم الساعه10ونص ومالقيت غير 6 بنات تقريبا هذا لما تجمعيهم معايا
ووقعت وشفت درجتي الحمدلله كانت حلوه وشفت اغلاطي واقتنعت الحمدلله

بالتوفيق لكم يارب