نصيحة مرة مهمة للترم الجاي ... وشكلين مابحكي !!

[BEeSHoOo]

ثلاث اشيآء تعلمتها من الترم اللي راح :

1) استغل وقتي خير استغلال وخصوصآ بالاختبآرات كلنا عارفين انو وقت الاختبارت ماتكفي ابدآ لأنو مو معقوله 40 او حتى 30 فقرة راح تكفينا نخلص الاسئله كلها مو معقوله نخلصه بساعتين كل سؤال يبيله تفكير وعاد انا هع اذا بلطت بسؤال اقعد فيه نص ساعه اجيبه يمين ويروح يسار الين ماأحله والشي اللي يقهر لما يخلص الوقت وتجيك الاستاذه تقول يلا سلمي الورقه خلص الوقت انتي لسه باقيلك 10 اسئله ماحليتيها وهي من اسهل الاسئله ومباشره وتعرفي تحليها فتضطرين تلونين من عندك مع انك عارفه حلها ويمديك تاخذين درجه عاليه بس عشان ترضين الاستاذه وماتصارخ بوجهك >>حسبي الله
فنصيحه حاولي جاهدين تستغلوون الوقت زيين وتكونون سريعين بعض الشي

2) انتبهوا تراكمون المحاضرات وماتذاكرونها اول بأول وتصيروا مثلي دلخه عشان لاجا وقت الاختبار وتلاقون نفسكم فيه اشياء كثييرة منتو فاهمينهاا فحاولو تذاكرون وماتهملون ويلا بما ان اكثريتنا مايحبوا يذاكروا اول باول خصصوا يوم من الويك إند تذاكرو فيه الاشياء اللي اخذتوها بالاسبوع كامل وراح ترتاحوا صدقوني اذا ذاكرتوا اول بأول عشان تحسوا انكم ماشين بالمنهج صح وماتشيلوا هم الاختبارات

3)اي ماده فيها بونس استغلووها ولاتصيروون دلووخ وتخلونها مثلي لاني تحسفت مرررة لاني ماحليت الاون لاين بالماث لان استاذتنا الله يسامحها قالت درجه الاون لاين ماتتعدى 5 درجات ابدآ وانا قلت 5 ماأستفيد منها وبالاخير طلعت من 10 درجات وانا سمعت هالشي من دكتورة بالرياضيات بنفسها قالت والله يسامح استاذتنا بس

هاذا اللي حبيت اقوله لكم عشان تستفيدوون منه بالترم الثاني ولعلمكم خطه أ سهله مررة ومناهجها مررة حلوووة بس حسب الاستاذه اللي تدرسك وحسب الاسئله اللي تجيك انا كنت اذاكر الرياضيات ومررة فاهمته بس لما شفت اسئله الماث النهائي عيووني صارت كذا انفجعت وحسيت اني فدغه ونسيت كل القاعدات وكأني اول مرة اشووف ماث بحياتي وتحسفت على تعبي ومذاكرتي بس حمدت ربي لأني لو ماذاكرت كان طلعت من القاعه واقوول ياليتني ذاكرت وياليتني ذاكرت

والحمدلله على كل حال والله يوفقكم يااااااااااارب وتدخلون التخصصات اللي تبون