الجامعة العربية المفتوحة

[أبقيق]

السلام عليكم ورحمة الله وبركاته

بسم الله الرحمن الرحيم

صباح الخير


الأخوه والأخوات الإعزاء

أنا طالب في الجامعه العربية المفتوحة - المنطقة الشرقية -

الجامعه معترف بها والجامعه معلقه لوحة كبيره فيها خطاب وزير التعليم العالي الى الامير طلال بن عبدالعزيز يهنئه بأعترافهم بالجامعه العربية المفتوحة.

*الجامعه الدراسة فيها بالانجليزي .
*في الترم الواحد لاتستطيع اخذ مواد اكثر من 12 الى 14 ساعه لأن راح يكون عليك ضغط ماهو طبيعي من ناحية الاختبارات النصفية والواجبات ومن ثم الاختبارات النهائية.
*في كل ترم عندكـ لكل ماده بالقليل واجب او واجبين وكذلك اختبار او اختبارين نصفييه
*الواجبات فيه شيء من الكتاب وفيه شيء من خارج الكتاب
*للأمانة الوجبات نتساعد فيها عن طريق موقع طلاب الجامعه ونحلها سوى مع تغيير بعض الاشياء في الواجبات.
*فيه عندهم لخبطة غير طبيعية في وقت الاختبارات والواجبات (مافيه تريب)اوقات تلقاني اختبر اختبار نهائي وبعده اختبر اختبار نصفي!!
*مبنى الجامعه مايساعد ولا يأهل للدراسه .
*الرسوم مرتفعه حبتين يعني الترم الماضي انا منزل 12 ساعه بـ 4000 آلاف وكل مازاد عدد الساعات كل مازاد المبلغ
*بالنسبة للحضور والغياب الجامعه محدده الحضور لكل ماده بنسبة 25% ولكن مافيه اي تدقيق على هالشيء يعني هالترم انا حاظر لي بعض المواد فقط للإختبار النصفي والنهائي ولا عندك احد لأنه مافيه ورقت تحظير.
*الطالب في الجامعه يحس انه تايه وملخبط ولايدري وين الله قاطه وانا مادخلت فيها إلا لأنها كانت قريبه من سكني والان انا مقدم عى جامعة الملك عبدالعزيز وإن شاء الله يتم قبولي
*الجامعه متعبه بالحيل بالحيل وخصوصاً للموظف يعني ماهو زي جامعة الملك عبدالعزيز - انتساب- لاواجبات ولااختبارات نصفية مجرد تحظر الاختبارات النهائية فقط.


واي استفسار ثاني أنا حاظر للجميع