ممكن مساعدة

[فرحة]

مرحبا اختي انا اكتر وحده ممكن تفيدك لاني كنت اكره الانجليزي موت ومره كانت لغتي ضعيفه
بس الحمدلله اول شي الكتاب مره سهل
تاني شي كنت اقرء القطع واترجمها طبعا مو بنفسي اخويا كان يخيلني اقرء بنفسي اهم شي انك تقرئيها بنفسك وتترجمي بنفسك لازم احد يكون فاهم انجليزي جالس جنبك يصححلك اذا اخطئتي كدا اذا جات قطعه في الاختبار تضمني انك تحلي العشرين سؤال حقون القطعه كلها
بعدين احفظي الكلمات الغريبه عليك وكل الكلمات الي في ملخص ابيض قلب تلاقي ملخصو في قسم الملخصات
مره حيفيدك
القرمر اذا تبغيني اساعدك وافهمك هو من عيوني واذا انتي من سكان المدينه ممكن اعطيكي رقم اختي ممكن تشرحلك الماده وما راح تاخد منك شي اذا اخذت منك راح تاخد شي رمزي مو كثير
بس صراحه اختي موهوبه في شرح القاعدات حتي اخويا لما كان يذاكرلي كنا اقلو طيب فهمني القاعدات كان يقولي كيف وعندنا اختنا الموهوبه اذا تبغي يا فرحه روحيلها لانو حتفهمك هي ومرك ما راح تنسيها صراحه الان لما تسأليني انا الي الان فاكره القرمر لانها شرحتو بطريقه مره حلوه
انصحك انك ما ترسلي رسائل سلبيه لعقلك الباطن زي انو الماده صعبه وانها مره تثقيله وتخوف
لا ارسلي الرسائل الايجابيه وخليك واثقه من انو ربنا اذا اعتمدنا عليه وذاكرنا من قلبنا راح ينجحنا ان شاء الله
بالتوفيق وعلى فكرا انا ما كنت اعرف الفرق بين السن والمون يعني الشمس والقمر مره كنت ميح في الانجليزي
واخدت فيه 82 لانو مشيت على الطريقه الي قلتلك هي
الله يوفقك