ايش المفروض أختار؟بلييز محتاجه ردودكم

[DANoOo.R]

السلام عليكم جميعاً
أحب أهنيء كل الناجحين في السنه التحضيريه
والراسبين خيرها في غيرها و إن شاء الله ربنا يعوضنا بـ أحسن من جامعه الملك عبدالعزيز

اليوم حابه أستفسر عن اختبار القبول للطالبات؟؟
لو أبغى أسجل..أسجل في أي اختيار..علماً بأن الاختيارات هي:
1.اختيار القدرات العامه للجامعيين في شهر محرم (بحكم أني من طلاب السنه التحضيريه)
أو
2.اختبار القدرات العامه للجامعيين في شهر صفر
أو
3.اختبار القدرات و القبول للتخصصات العليمه والنظريه (طالبات)
بلييييز محتاجه ردودكم

DANoOo.R

[AnwaRoozo]

انا افضل انك تدقي على نفس مركز قياس وتشرحي وضعك ^_^ وهذا رقمهم ..

هاتف المركز : 01-2120300
هاتف شؤون الطلاب : 01-2122000 / 920001170
هاتف شؤون الطالبات : 920001170 (طاقم نسائي للرد على استفساراتكم)
فاكس شؤون الطلاب والطالبات : 2121114-01

[برونزية]

انا بصراحه ما اعرف عن اختبارات الجامعيين

بس اللي اعرفه من اختبار القبول للتخصصات العلميه و النظريه ما حتستفيدي منه
طالما انتي منتظمه ....

و ربي يوفقك ويسهل لك الخير ..

[AnoOosa NoOoSa]

كيــف يعني؟؟؟
انتي سحبتي ولا ايش؟؟

[رزان22]

المشاركة الأصلية كتبت بواسطة anooosa nooosa كيــف يعني؟؟؟ انتي سحبتي ولا ايش؟؟

نفس سؤالي
انتي انسحبتي من التحضيري

[Esra'a5992]

ما أقدر أفيدك والله ,,
وان شاء الله يفيدوك أهل الخبرة ,,

[Princess lolo]

انا بعد ماعندي خبرة باهالأشياء اخاف افتي عليك شي غلط :(
وافضل انك تدقي عليهم مثل ماقال الأخ AnwaRoozo

[e.emo0o]

ادا كان قصدك انو حتنسحبي
مافي اعادة اختبار قدرات لخريجي السنه اللي راحت انا اتصلت بالمركز ودا الكلام اللي قالو ليه
كمان رحت واتأكدت من مديره وحدة القبول وأكدت لي دا الشي بس المهم تنسحبي قبل بدء السنه الجديده ب3شهور عشان ينرفع الختم عن ملفك وتقدري تسجلي في الجامعه مره تانيه
ودا اللي انا حسويه إن شاء الله
اتمنى اكون افدتك واذا عندك اي سؤال تاني لا تترددي

[DANoOo.R]

المشاركة الأصلية كتبت بواسطة e.emo0o ادا كان قصدك انو حتنسحبي مافي اعادة اختبار قدرات لخريجي السنه اللي راحت انا اتصلت بالمركز ودا الكلام اللي قالو ليه كمان رحت واتأكدت من مديره وحدة القبول وأكدت لي دا الشي بس المهم تنسحبي قبل بدء السنه الجديده ب3شهور عشان ينرفع الختم عن ملفك وتقدري تسجلي في الجامعه مره تانيه ودا اللي انا حسويه إن شاء الله اتمنى اكون افدتك واذا عندك اي سؤال تاني لا تترددي

تسلمي أختي على الرد
بس أنا ماراح أقدم مره تانيه في جامعه الملك عبدالعزيز
أنا بس أبغى أعيد اختبار القبول ولسه أمس اتصلت على مركز القياس وسألتهم إذا أقدر أدخل الإختبار مره تانيه وقالو لي أنه عادي وقلت لها كمان إني من طالبات السنه التحضيريه ومتخرجه العام من الثانويه.
شكرا على مرورك أختي وإن شاء الله راح أتأكد من كلامك وأرد عليكي

DANoOo.R

[fnfn]

دندن اختاري اختبار القبول لطالبات الثانويه العامه وربي يوفقك
وعلى فكره في المقر لا تفكري تختاري(( مقر الجامعه)) لأنها شؤم ومعفنه
ولا تختاري عفت عشان حتنحفي 100 كيلو من المشي
اهوا عندنا خبره في اشياء تانيه غير الدراسه
ونراكي إن شاء الله و ندوش كمان
تحياتي